डोरी सांस के बंधे बम भोला ले / कांतिकार्तिक यादव

डोरी सांस के बंधे बम भोला ले 2
जीव शिव हे शिव जीव हे 2
पंचरतन के चोला हे जाना तोला मोला हे
डोरी सांस के बंधे बम भोला ले 2

बिन तोर इच्छा सरी जगत में नई हाले डारा पाना
मंद मंद पुरवाही डोले जीव जती पाये दाना
कण कण म नस नस मा भोला तोर परछो हा समाये हे
तोर किरपा ले धरा धाम मा जीव आये अउ जाये हे

आदि अंत के नई हे चिन्हारी सगरो भगत बर तोर दुआरी
शिव के लगन के ये डोला ये जाना तोला मोला हे
डोरी सांस के बंधे बम भोला ले 2

तोरे दया के छइहा म भोला बीज हा बर हो जाये हे
भगती के तोर रंगनी म रंग के जीव अमर हो जाये हे
मान जथस तै कभू एक छन मा कभू जुग जुग मा नई मानस
नई हे कोनो मन के भाव हा जेन ला ते हर नई जानस

अर्पण कर दौ शिव के चरण म कांतिकार्तिक साधै मन मा
माटी के ये चोला ये जाना तोला मोला हे
डोरी सांस के बंधे बम भोला ले 2
जीव शिव हे शिव जीव हे 2
पंचरतन के चोला हे जाना तोला मोला हे
डोरी सांस के बंधे बम भोला ले 2

गीत - डोरी सांस के बंधे बम भोला ले
प्रकार - जस गीत
सिंगर - कांतिकार्तिक यादव
लेखक - कांतिकार्तिक यादव
म्यूजिक कंपनी - OP DEWANGAN

DORI SAANS KE BANDHE BUMBHOLA LE | KANTIKARTIK | KOK Creation RJN | Shiv Ji Bhajan

Comments (कमेन्ट या फ़रमाईश करे)

Bhushan Markam Ji
2023-09-19 20:31:13

Very nice, Grate Song my dear sweet Friend, I glad to listened your song ...... One of the song is touch of heart ...... So God Blass you Dear .......

Bhushan Markam
2023-09-18 00:32:56

बहुत ही सुघ्घर मनमोहक भजन के बोल अऊ धून हे मोर लाडले भाई कांतिकार्तिक यादव जी, माँ सरस्वती तोर कंठ मा बैठ के भोला के भजन गवाया हे । शब्दकोश भी जबर घोर सुघ्घर हृदयतल तक पहुँच के भक्तिभाव ला ऊपर तक ले आथे, आप ला धन्यवाद शब्दकोश मा छोटे परत हे, तोर ये भजन, धून, अऊ संगीत के अनूठा संगम हे, तेखर बखान करे बर हर शब्द आज छोटे, बौना लागत हे संगवारी, बस भोला ही भोला हे.... चारो डहर बमभोला हे .... जय बूढ़ादेव 🙏🙏🌾💐⚘️💐🌾🙏🙏

SOMNATH SAHU
2023-09-17 15:53:20

बंधे बम भोला धुन में