यहो कब होही तोर दर्शन मैया / दुकालू यादव

यहो कब होही तोर दर्शन मैया कब होही तोर दर्शन
यहो आंखी मुंदाही सुआ उड़ाही 2 तब होबे का परसन
यहो कब होही तोर दर्शन मैया कब होही तोर दर्शन

मन मंदिर में तोला बसाके तोरेच सुरता लमाथव
तोर देवाला तोर मंदिर जाके माथ नवाथाव
जाके माथ नवाथाव मैया जाके माथ नवाथाव

यहो संझा बिहनिया तोर ओ माता 2 करथौ मै हर सुमिरन
यहो कब होही तोर दर्शन मैया कब होही तोर दर्शन

यहो ये माटी के पुतरी हव दाई माटी मा मिल जांहू
जब तक चलही मोर सुआसा सेवा ला तोर गाहू
सेवा ला तोर गांहू मैया सेवा ला तोर गाहू

यहो जियत मरत ले मोर महतारी 2 तोरेच बर हे तन मन
यहो कब होही तोर दर्शन मैया कब होही तोर दर्शन

यहो मरना तो हावय सब ला एक दिन कोन ला हावै रहना
इही माटी के ओढ़ना दाई इही माटी के बिछौना
माटी के बिछौना ओ मैया माटी के बिछौना

अहो तोर परसादे जियत हावन 2 तोर परसादे मरथन
यहो कब होही तोर दर्शन मैया कब होही तोर दर्शन

तोर लागा ला कईसे छुटाहू बेटा हारौ मै तोरे
तोर लहु के बुंद ले दाई तन हा बने हे मोरे
तन हा बने हे मोरे मैया तन हा बने हे मोरे

यहो दर्शन देदे प्रेम अजय ला 2 कोसरिया होही धन धन
यहो कब होही तोर दर्शन मैया कब होही तोर दर्शन
यहो आंखी मुंदाही सुआ उड़ाही 2 तब होबे का परसन
यहो कब होही तोर दर्शन मैया कब होही तोर दर्शन

गीत - यहो कब होही तोर दर्शन मैया
प्रकार - जस गीत
सिंगर - दुकालू यादव
लेखक - -
म्यूजिक कंपनी - KK CASSETTE