दाई तोर आंखी ले बरसे पानी / दुकालू यादव

पानी रे पानी रे पानी बरसे पानी
पानी रे पानी रे पानी बरसे पानी दाई तोर आंखी ले बरसे पानी 2
नंदिया नरवा छलकत हे धरती सिंगार करत हे 2
तोर हाथ मे सब के जिनगानी दाई तोर आंखी ले बरसे पानी
पानी रे पानी रे पानी बरसे पानी दाई तोर आंखी ले बरसे पानी

सुख के दिन हा बित गे सुख मे दुख के दिन हा दुकाल ओ
--दुख के दिन हा दुकाल ओ दुख के दिन हा दुकाल ओ--
यहो बिन पांनी के टेटका मेचका मछरी मगर बिन हाल ओ
--मछरी मगर बिन हाल ओ मछरी मगर बिन हाल ओ--
साजा सरई सइगोन के पाना बिजा बमरी साल ओ
--बिजा बमरी साल ओ बिजा बमरी साल ओ --
यहो भूखमरी के काल हा आगे सुरूज दिखे लाले लाल ओ
--सुरूज दिखे लाले लाल ओ सुरूज दिखे लाले लाल ओ--

माता के ममता बरस के आंखी ले आंसु ढ़रक गे 2
फूट फूट के रोवय शीतला भवानी दाई तोर आंखी ले बरसे पानी
पानी रे पानी रे पानी बरसे पानी दाई तोर आंखी ले बरसे पानी

करीया बादर गरजे जम के पवन चलै पुरवईया ओ
--पवन चलै पुरवईया ओ पवन चलै पुरवईया ओ--
यहो मंजुर हा दुनो डेना बगरा के नाचे ताता थैया ओ
--नाचे ताता थैया ओ नाचे ताता थैया ओ --
चिव चिव बोले चिरई चिरगुन कांव कांव कौआ करिया ओ
--कांव कांव कौआ करिया ओ कांव कांव कौआ करिया ओ--
यहो नांगर बईला फांद के जम्मो खेत में चले नंगरिया ओ
--खेत में चले नंगरिया ओ खेत में चले नंगरिया ओ --

लहराये धान अउ गहूं ठेलहा नई रहे कहूं 2
किसान करे खेती किसानी दाई तोर आंखी ले बरसे पानी
पानी रे पानी रे पानी बरसे पानी दाई तोर आंखी ले बरसे पानी

शीतला माता ला शांत करे बर माता देवाला म जाथे ओ
--माता देवाला म जाथे ओ माता देवाला म जाथे ओ--
यहो पिवरा पिवरा हरदी के पानी नीम के छाटा लगाथे ओ
--नीम के छाटा लगाथे ओ नीम के छाटा लगाथे ओ--
हुम अगियारी नरियर भेला घी के दियना जलाथे ओ
--घी के दियना जलाथे ओ घी के दियना जलाथे ओ --
यहो पांच भगत मिल करे आरती सेउक जस ला गाथे ओ
--सेउक जस ला गाथे ओ सेउक जस ला गाथे ओ--

माता के करे जयकारी कोसरिया मा के दुआरी 2
दास प्रेम करे अघुवानी दाई तोर आंखी ले बरसे पानी
पानी रे पानी रे पानी बरसे पानी दाई तोर आंखी ले बरसे पानी
नंदिया नरवा छलकत हे धरती सिंगार करत हे 2
तोर हाथ मे सब के जिनगानी दाई तोर आंखी ले बरसे पानी
पानी रे पानी रे पानी बरसे पानी दाई तोर आंखी ले बरसे पानी 2

दाई तोर आंखी ले बरसे पानी 2

गीत - दाई तोर आंखी ले बरसे पानी
प्रकार - जस गीत
सिंगर - दुकालू यादव
लेखक - -
म्यूजिक कंपनी - KK CASSETTE