ये हो महंगु के लाला / कन्तिकार्तिक यादव

भगत के भाव ले भगती सिरजे भाव मा बसे भगवान
कलयुग मा अमरौतिन ले सिरजे गुरू घासीदास सुजान

ये हो महंगु के लाला महर महर करे सार मा
दया दान बोये तै दया दान बोये तै दुआर मा
ये हो महंगु के लाला महर महर करे सार मा ||2||

गिरौदपुरी मे लिन अवतारी बाबा लिन अवतारी
सतनाम के तै लगाये कियारी बाबा लगाये कियारी
अमरौतिन हरे जेकर महतारी बाबा जेकर महतारी
सत अउ नियत के रेहे जी पुजारी बाबा रेहे जी पुजारी

दिया बारे सत के दिया बारे सत के आधार मा
ये हो महंगु के लाला महर महर करे सार मा

तीनो काल के जी तीही हा जनईया बाबा तीही हा जनईया
मन के करम ले परव तोर पईया बाबा परव तोर पईया
काम क्रोध मोह के जेरा तै कटईया बाबा जेरा तै कटईया
सत्य पुरूष के मान ला पवईया बाबा मान ला पवईया

सादा सादा साधे मन सादा सादा साधे मन तार मा
ये हो महंगु के लाला महर महर करे सार मा

सत्य अउ अहिंसा के मन्तर मारे हस मन्तर मारे हस
दुखिया सुखिया ला बाह मा पोटारे हस बाह मा पोटारे हस
सरी ब्रम्हांड बर सतनाम सारे हस सतनाम सारे हस
कांतिकार्तिक मौनीलाला ला सुग्घर संवारे हस सुग्घर संवारे हस

सादा झंडा उडय तोर सादा झंडा उडय दरबार मा
ये हो महंगु के लाला महर महर करे सार मा

ये हो महंगु के लाला महर महर करे सार मा
दया दान बोये तै दया दान बोये तै दुआर मा
ये हो महंगु के लाला महर महर करे सार मा

गीत - ये हो महंगु के लाला
प्रकार - पंथी
सिंगर - कन्तिकार्तिक यादव
लेखक - मौनी लाला
म्यूजिक कंपनी - MAHANGU KE LALA [पंथी गीत] Singer - Kantikartik Yadav | Ft. OP Dewangan | KOK Creation Rajnandgaon