छाता पहाड़ ला / Bhagwati devi Tandeshwai

छत्तीसगढ़ी गीतों के लिरिक्स के लिए
हमारे द्वारा बनाये गए मोबाइल एप्लीकेशन की खास बाते -

- लिरिक्स के बिच में कोई विज्ञापन नहीं

- पसंदीदा लिरिक्स का फ़वोरेट (सेव) लिस्ट

- अलग अलग टेक्स्ट कलर में मुखड़ा, उडान, अन्तरा

- कोई भी लिरिक्स खोजना बहुत आसान

खडवा तेलासी भंडारपुरी ला देखाबे 2
अमृत रूपी बाबा के कहानी सुनाबे
छाता पहाड़ ला डोंगरी पहाड़ ला
मोला घुमाके लाबे हो
छाता पहाड़ ला डोंगरी पहाड़ ला
मोला घुमाके लाबे हो

खडवा तेलासी भंडारपुरी ला देखाहु 2
अमृत रूपी बाबा के कहानी सुनाहु
छाता पहाड़ ला डोंगरी पहाड़ ला
तोला घुमाके लाहु हो
छाता पहाड़ ला डोंगरी पहाड़ ला
तोला घुमाहू मेह वो

1 हो जा तियार गोरी जाबो गिरौद मेला
बाबा के चरण में चडाबो नरियर भेला
गुरु के चरण में चडाबो नरियर भेला

2 बहुत दिन होगे मोर मन हे उदास
पाव परत हव जोड़ी मोर अतके हे आस
पाव परत हव राजा मोर अतके हे आस
(1, 2,)

चरन कुंड अमृत गुरु चौका नादी ला देखाबे 2
तन ला तपाहे औरा भौरा ले बताबे छाता पहाड़ ला डोंगरी पहाड़ ला
मोला घुमाके लाबे हो

छाता पहाड़ ला डोंगरी पहाड़ ला
तोला घुमाके लाहू वो

1 श्रद्धा वो लगाके वो बने मांग लेबे वरदान
जईसन मंगबे तईसन देहय सत सच्चा हे प्रमाण
जईसन मंगबे तईसन देहय सत सच्चा हे प्रमाण

2 मांगे के सिंदूर लिहू हाथे के चुरी
पति के सिंगर बिना जीवन हे अधूरी
पति के सिंगर बिना जीवन हे अधूरी
(1, 2,)

दुनो हाथ जोड़ के महू बिनती सुनाहु
अपन तन के दुख ला वो बाबा ला गोहराहू
छाता पहाड़ ला डोंगरी पहाड़ ला
तोला घुमाहू मै हा वो
छाता पहाड़ ला डोंगरी पहाड़ ला
तोला घुमाहू मै हा वो

1 छ महिना के मरे माता सफुरा ला जियायीन
साप चाबे बुधारू ला अमृत पियायिन
साप चाबे बुधारू ला अमृत पियायिन

2 बिधुन हो जाहू महू बाबा के भजन मा
मुकति बनाबो दुनो गुरु के चरन मा
मुकति बनाबो दुनो गुरु के चरन मा
(1, 2,)

अमृत कुंड के पानी तोला मै हा वो पियाहू 2
चरन कुंड मा जाके तोला इसनान कराहू
छाता पहाड़ ला डोंगरी पहाड़ ला
तोला घुमाहू मै हा वो
छाता पहाड़ ला डोंगरी पहाड़ ला
तोला घुमाहू मै हा वो

छाता पहाड़ ला डोंगरी पहाड़ ला
तोला घुमाहू मै हा वो