चलना चलना चटुवापूरी / किसन सेन

ए चलना राजा मोर ए चलना जोड़ी मोर 2
मोला चटुवा पूरी मेला तै घुमादे 

ए रुकना रानी मोर अभी रुकना बहि मोर
छेर छेरा पुन्नी आवन दे 

भराथे मेला उही समय हम जाबो 
मन के मनौती ला पूरा कर आबो||2|| 
मोर बात ला तै मन मा बसाई ले वो 

चलना चलना
रुकना रुकना
चलना चलना

अभी रुकना रानी मोर अभी रुकना बहि मोर
छेर छेरा पुन्नी आवन दे
ए चलना राजा मोर ए चलना जोड़ी मोर
मोला चटुवा पूरी मेला तै घुमादे

ए संगे तोर जाहू सजा दे तै गाड़ी बइला
जाही लोग लईका जाही संगी अऊ जहुरिया ||2||
ए बात मोर मान गोरी समय ला आवन दे 
खेती बाड़ी सबो काम बिसरावन दे 

सफुरा घासी के मयारू बेटा अमर दास 2
ए चटूवापूरी धाम ए बनाए हे वो 

चलना चलना
रुकना रुकना
चलना चलना

अभी रुकना रानी मोर अभी रुकना बहि मोर
छेर छेरा पुन्नी आवन दे
ए चलना राजा मोर ए चलना जोड़ी मोर
मोला चटुवा पूरी मेला तै घुमादे

ए नदिया हे कईथे ऊहां हावय रुख राई
रद्दा भक्ति भाव के गा हावय सुखदाई ||2||
ए साल मा एक बार उहा मेला वो भराथे 
उही समय जाबो कईथव सुग्घर मन ला भाथे

किशन सेन बहि अर्जी वो करत हे 
बाबा के नाम ले सब दुख हा वो टरत हे 
ओकर चरन मा माथ वो नावाई लेबो 

चलना चलना
रुकना रुकना
चलना चलना

अरे चलना रानी मोर चलना बहि मोर 
तोला चटूवा पूरी मेला मै घुमाहू 
ए चलना राजा मोर ए चलना जोड़ी मोर
मोला चटुवा पूरी मेला तै घुमादे

भराथे मेला उही समय हम जाबो 
मन के मनौती ला पूरा कर आबो||2|| 
मोर बात ला तै मन मा बसाई ले वो 

चलना चलना
चलना चलना
चलना चलना
अरे चलना रानी मोर चलना बहि मोर 
तोला चटूवा पूरी मेला मै घुमाहू 
ए चलना राजा मोर ए चलना जोड़ी मोर
मोला चटुवा पूरी मेला तै घुमादे
तोला चटूवा पूरी मेला मै घुमाहू 
मोला चटुवा पूरी मेला तै घुमादे