भड़ौनी - पुराना - नदिया तीर मा आये बरतिया / अल्का चंद्राकर

नदिया तीर मा आये बरतिया चिंगरी भूंज भूंज खाए रे, नदिया तीर मा..
नदिया तीर मा आये बरतिया चिंगरी भूंज भूंज खाए रे
मेछा जर गे फोरा पर गे रायपुर काबर आये रे 2

हम का जानी हम का जानी दुरुग भिलाई के पानी रे, हम का जानी..
हम का जानी हम का जानी दुरुग भिलाई के पानी रे
आये हे बरतिया मन हा मारथे फुटानी रे 2

बने बने तोला जानेव समधी मडवा मा डारे बॉस रे, बने बने तोला..
बने बने तोला जानेव समधी मडवा मा डारे बॉस रे
जाला पाना लुगरा लानेव जरे तुहर नाक रे 2

मेछा हावय कर्रा कर्रा गाल हावय खोदरा रे, मेछा हावय..
मेछा हावय कर्रा कर्रा गाल हावय खोदरा रे
जादा झन अटीयावव समधी होगे हावव डोकरा रे 2

बड़े बड़े राम्केलिया चानी भीतरी गुदा भराए रे, बड़े बड़े..
बड़े बड़े राम्केलिया चानी भीतरी गुदा भराए रे
हमर समधिन चटक चंदैनी कनिहा ला मटकाए रे 2

मेछा हावय लामे लामे मुहु हवय करिया रे, मेछा हावय..
मेछा हावय लामे लामे मुहु हवय करिया रे
समधी बपुरा काय करय पहिरे हावय फ़रिया रे 2

नदिया तीर के खोटनी भाजी उलवा उलवा दिखथे रे, नदिया तीर के..
नदिया तीर के खोटनी भाजी उलवा उलवा दिखथे रे
आये हे बरतिया मन हा बुडवा बुडवा दिखथे रे

हरियर हरियर डोंगर दिखथे पियर पियर बास रे, हरियर हरियर..
हरियर हरियर डोंगर दिखथे पियर पियर बास रे 
हमर समधिन छेना बिनथे नई लागे एला लाज रे 2

लंबा लंबा चुंदी जेमा बेनी ला गुथाए रे, लंबा लंबा..
लंबा लंबा चुंदी जेमा बेनी ला गुथाए रे
छोकरी सही दिखे समधी चुंदी ला बढाए रे 2

लुदुर लैया मोंगरी मछरी ए तेंगना के काटा रे, लुदुर लैया..
लुदुर लैया मोंगरी मछरी ए तेंगना के काटा रे 
एती तेती रेंगे समधी बगरे जैसे चाटा रे 2