मृगनयनी...मन हा मोहागे वो - Holi Geet - KantiKartik Yadav / कन्तिकार्तिक यादव

मृगनयनी...मन हा मोहागे वो कजरारी नैना म तोर 2
कजरारी नैना म तोर कजरारी नैना म तोर 2
मृगनयनी...मन हा मोहागे वो कजरारी नैना म तोर 2

नैना म तोर बही मोहनी का भराए हे
आंखी के कोर छोर तीर अस जनाए हे ||
एके घांव म हिरदय के पार हो जाए हे
पीरा तोला नई लागे तईसे वो जनाए हे||
मीठ बोली बैना म तोर मीठ बोली बैना म तोर 2
मन हरनी मन भाग जाथे वो मीठ बोली बैना म तोर
मृगनयनी...मन हा मोहागे वो कजरारी नैना म तोर

कारी कजरारी तोर चटक मटक भाव हे
नागिन अस बेनी झूले जोगनी के परभाव हे ||
होठ तोर गुलाबी जईसे मिरगिन जस ताप हे
सुर बही झूलत तैं रेंगे बता तोर का नाव हे ||
दुनो नैना म तोर दुनो नैना म तोर 2
ए कुमुदनी पिरीत भराए हे दुनो नैना म तोर
मृगनयनी...मन हा मोहागे वो कजरारी नैना म तोर

कस्तुरहिन पिरीत के मया म छंदाए हंव
पाए बर मया ला तोरे तन मन कंदराए हंव
देखे बर एके झलक नैना ला बिछाए हंव
कांतिकार्तिक मौनी लाला के गीत ला गाए हंव
मुड़ के दौना म तोर मुड़ के दौना म तोर 2
पिरीत जोगनी मन हा रिझागे वो मुड़ के दौना म तोर
मृगनयनी...मन हा मोहागे वो कजरारी नैना म तोर

कजरारी नैना म तोर कजरारी नैना म तोर 2
मृगनयनी...मन हा मोहागे वो कजरारी नैना म तोर 2

गीत - मृगनयनी...मन हा मोहागे वो - Holi Geet - KantiKartik Yadav
प्रकार - होली गीत
सिंगर - कन्तिकार्तिक यादव
लेखक - गुरुदेव मौनी लाला
म्यूजिक कंपनी - OP DEWANGAN