चोरो बोरो माते हावय होरी / दुकालू यादव

चोरो बोरो माते हावय होरी
ए गोरी वो चोरो बोरो माते हावय होरी

टुरी मन ला धर धर धर के तुरा मन रंगत हे 2
डोकरा हा डोकरी संग करे जोर जोरी
चोरो बोरो माते हावय होरी
ए गोरी वो चोरो बोरो माते हावय होरी

चर- चर चर- चर चारो कोती चलत हावय पिचकारी वो
चलत हावय पिचकारी वो टुरी चलत हावय पिचकारी वो
हरियर पीवरा लालीच लाली अबीर उड़े बड भारी वो
अबीर उड़े बड भारी वो टुरी अबीर उड़े बड भारी वो

गोलवा गोलवा गाल मा गुलाल ला मलत हे 2
गोरिया सुरतिया मा डारे रंग कारी
--चोरो बोरो पिचका बोरो--
चोरो बोरो माते हावय होरी
ए गोरी वो चोरो बोरो माते हावय होरी

कोनो बने हे राधा रानी कोनो बने नन्द लाला वो
कोनो बने नन्द लाला गा भैया कोनो बने नन्द लाला हो
कोनो हा नाचे गोपियन बनके कोनो बने हे ग्वाला वो
कोनो बने हे ग्वाला गा भैया कोनो बने हे ग्वाला हो

आज ब्रिन्दाबन कस गाँव मोर लगत हे 2
बाजे नंगारा नाचे देके तारी
--चोरो बोरो चोरो बोरो--
चोरो बोरो माते हावय होरी
ए गोरी वो चोरो बोरो माते हावय होरी

चढ़ गेहे सब ला फागुन निशा माते हवय मतवाला वो
माते हवय मतवाला गा दाऊ माते हवय मतवाला हो
झूमर झूमर के गाये फगुनवा प्रेम पिरित हे निराला वो
प्रेम पिरित हे निराला गा भैया प्रेम पिरित हे निराला वो

अरे तरी ऊपर तरी ऊपर झपाए परत हे 2
सिरतोन काहाथव नोहय वो लबारी
--चोरो बोरो पिचका बोरो--
चोरो बोरो माते हावय होरी
ए गोरी वो चोरो बोरो माते हावय होरी

टुरी मन ला धर धर धर के तुरा मन रंगत हे 2
डोकरा हा डोकरी संग करे जोर जोरी
--चोरो बोरो चोरो बोरो--
चोरो बोरो माते हावय होरी
ए गोरी वो चोरो बोरो माते हावय होरी

चोरो बोरो माते हावय होरी
ए गोरी वो चोरो बोरो माते हावय होरी||4||

गीत - चोरो बोरो माते हावय होरी
प्रकार - होली गीत
सिंगर - दुकालू यादव
लेखक - -
म्यूजिक कंपनी - KK CASSETTE