तोर डीही के दीया बरईया मन गोहारे तोला ओ
तोर डीही के दीया बरईया मन
गोहारे तोला ओ
यहो हे कुलवंतिन हे सतवंतिन
शीतला दाई ओ
गांव के शक्ति चौरा ल सुमिरौ
संग मा गौरी गौरा ओ
शिव बिन शक्ति हावै अधूरा
हूम देवौ मै साहाड़ा ओ
दुर्गा महारानी ओ,
दुर्गा महरानी ओ
तोर डीही के दीया बरईया मन
गोहारे तोला ओ
ठाकुर देव ल सुमिरौ सुग्घर
बिजा भात के देवईया ओ
बघरन पाठ गोहारौ मन मा
अनहोनी ले बचईया ओ
भोला भंडारी ओ,
भोला भंडारी ओ
तोर डीही के दीया बरईया मन
गोहारे तोला ओ
भईसा सुर ला सुमिरौ सुग्घर
मान पान के पवईया ओ
माई दाई छाहीत रहीबे
परत हावौ मै पईया ओ
ये हो सुख के देवईया ओ,
ये हो सुख के देवईया ओ
तोर डीही के दीया बरईया मन
गोहारे तोला ओ
दिया बरईया सेउक मन के
लागेव पारो भारे ओ
कान्ति मौनी लाला चरण मे
करत हावै जयकारे ओ
येहो पौरी दुआरी ओ,
येहो पौरी दुआरी ओ
तोर डीही के दिया बरईया मन
गोहारे तोला ओ
यहो हे कुलवंतिन हे सतवंतिन
शीतला दाई ओ
तोर डीही के दीया बरईया मन
गोहारे तोला ओ
✍ लेखक: ओपी देवांगन
🎤 प्रस्तुतकर्ता: -
