इस लिरिक्स का आनंद ले हमारे मोबाइल एप्प के साथ!
झुले नजरे नजर मे दाई
झुले नजरे नजर मे वो
माटी के दुर्गा हे महमाई
कईसे करव तोर विदाई
लागे करलाई वो
झुले नजरे नजर मे दाई
झुले नजरे नजर मे वो
नव दिन बर माटी के दुर्गा
पुतरी अस समर के वो
दुर्गा चरन पुजा पावत हे
महिसासुर मार के वो
बैरी अमर होगे दाई
बैरी जबर होगे दाई
चरण पद पाई वो
झुले नजरे नजर मे दाई
झुले नजरे नजर मे वो
#
झलकत हे तोर गहना गुरिया
आंखी आंखी मा झुले वो
बघवा ऊपर माता बिराजे
हाथ धरे त्रिशुले वो
झलके रिगबिग रिगबिग माता
दमके रिगबिग रिगबिग माता
रहिबे तै सहाई वो
झुले नजरे नजर मे दाई
झुले नजरे नजर मे वो
घर अंगना बिरान लागे
तोर जाती बिराती वो
भितरी भितरी मा मन कलपत हे
अंतस फाटे छाती वो
हे दुर्गा अन्नपुर्णा माई
लागे सुन्ना सुन्ना दाई
लागे पहुनाई वो
झुले नजरे नजर मे दाई
झुले नजरे नजर मे वो
#
बछ्छर भर मा लहुट के आबे
माटी के दुर्गाा दाई वो
चलत चलागन पुरखा पुरागन
तैसने करन विदाई वो
नांदगाव नंदाई हुलिया
लिखे परमानंद कठुलिया
कांति सिर नाई वो
झुले नजरे नजर मे दाई
झुले नजरे नजर मे वो
✍ लेखक: परमानन्द कठोलिया
🎤 प्रस्तुतकर्ता: KOK Creation
हमारे मोबाइल ऐप के साथ छत्तीसगढ़ी लिरिक्स का आनंद लें
अगर आप अपने चैनल, कला मंच, रामायण मंडली, धुमाल, बाजा, प्रोडक्ट, सर्विस या किसी भी प्रकार के विज्ञापन को बड़ी ऑडियंस तक पहुँचाना चाहते हैं, तो आप हमारी वेबसाइट पर आसानी से विज्ञापन दे सकते हैं। बेहतर पहुँच, सस्ता रेट और 100% ऑर्गेनिक यूज़र्स!
क्या आप एक सिंगर या लेखक हैं या लिरिक्स लिखने का शौक रखते हैं? अपनी लिरिक्स शेयर करें और हजारों लोगों तक पहुँचें। अपनी रचनात्मकता को एक नया मंच दें और अपने लेखन से लाखों लोगों को प्रेरित करें।
Search CG Song Lyrics
