तीजा बरोबर आऐ ओ दाई
तीजा बरोबर आऐ ओ दाई
तीजा बरोबर आऐ ओ दाई नव दिन के तिहार में
बिदा के बेरा जोत जंवारा बेटी कस उपहार में
माई तैं जल्दी आबे दाई तैं जल्दी आबे
मया के डोर बंधा गे संग छुटे के बेरा आगे
जगमग जगमग जोत बरे वो जगजननी तोरे नाव के
झांझ मंजिरा ढोलक मांदर छुन छुन पैरी पांव के
रखबे सुरता महामाई वो तोर बेटा गोहरावत हे
मन के पीरा मन हर जाने रही रही मोला रोवावत हे
तीही हा पार लगाबे दाई भव सागर संसार ले
बिदा के बेरा जोत जंवारा बेटी कस उपहार में
माई तैं जल्दी आबे दाई तैं जल्दी आबे
मया के डोर बंधा गे संग छुटे के बेरा आगे
सुन्ना अंगना खोर बस्ती सुन्ना गली अऊ गांव हा
सुन्ना परगे तोर देवाला देख नीम के छांव हा
कलपत हावै दीदी बहिनी थारी ला सजाके
रोवत हावै बाना धर के कांति जस तोर गाके
मोहनी मूरतिया तोर वो दाई कईसे छुटै मजधार में
बिदा के बेरा जोत जंवारा बेटी कस उपहार में
माई तैं जल्दी आबे दाई तैं जल्दी आबे
मया के डोर बंधा गे संग छुटे के बेरा आगे
✍ लेखक: कांतिकार्तिक यादव
🎤 प्रस्तुतकर्ता: KOK Creation
