तीजा बरोबर आऐ ओ दाई
तीजा बरोबर आऐ ओ दाई
तीजा बरोबर आऐ ओ दाई
नव दिन के तिहार में
तीजा बरोबर आऐ ओ दाई
नव दिन के तिहार में
बिदा के बेरा जोत जंवारा
बेटी कस उपहार में
बिदा के बेरा जोत जंवारा
बेटी कस उपहार में
माई तैं जल्दी आबे
दाई तैं जल्दी आबे
मया के डोर बंधा गे
संग छुटे के बेरा आगे
जगमग जगमग जोत बरे वो
जगजननी तोरे नाव के
झांझ मंजिरा ढोलक मांदर
छुन छुन पैरी पांव के
रखबे सुरता महामाई वो
तोर बेटा गोहरावत हे
मन के पीरा मन हर जाने
रही रही मोला रोवावत हे
तीही हा पार लगाबे दाई
तीही हा पार लगाबे दाई
भव सागर संसार ले
तीही हा पार लगाबे दाई
भव सागर संसार ले
बिदा के बेरा जोत जंवारा
बेटी कस उपहार में
बिदा के बेरा जोत जंवारा
बेटी कस उपहार में
सुन्ना अंगना खोर बस्ती
सुन्ना गली अऊ गांव हा
सुन्ना परगे तोर देवाला
देख नीम के छांव हा
कलपत हावै दीदी बहिनी
थारी ला सजाके
रोवत हावै बाना धर के
कांति जस तोर गाके
मोहनी मूरतिया तोर वो दाई
मोहनी मूरतिया तोर वो दाई
कईसे छुटै मजधार में
मोहनी मूरतिया तोर वो दाई
कईसे छुटै मजधार में
बिदा के बेरा जोत जंवारा
बेटी कस उपहार में
बिदा के बेरा जोत जंवारा
बेटी कस उपहार में
✍ लेखक: ओपी देवांगन
🎤 प्रस्तुतकर्ता: KOK Creation
