नीम छंईहा मा बिराजे दाई मोर
नीम छंईहा मा बिराजे दाई मोर
नीम छंईहा मा बिराजे दाई मोर
हे कुलवंतीन बूढ़ी माई
जय हो जय मोर शितला दाई
हे कुलवंतीन बूढ़ी माई
जय हो जय मोर शितला दाई
रहिबे सदा सहाई ओ, मोर दाई ओ
नीम छंईहा मा बिराजे दाई मोर
नीम छंईहा मा बिराजे दाई मोर
अंतरा 1
डीही डोंगर के तै ठकुराईन ऐ जग तोर फूलवारी ओ
बिरवा बिरता कोरा म सिरजे ऐ हो अटल कुंआरी ओ
जीवरानी तै सार जगत के शिव के बने पियारी ओ
नाना रूप भंजाये जग मा भगतन के हितकारी ओ
अंचरा छंईहा मा दुलारे दाई
जय हो जय मोर शीतला दाई
अंचरा छंईहा मा दुलारे दाई
जय हो जय मोर शीतला दाई
रहिबे सदा सहाई ओ, मोर दाई ओ
नीम छंईहा मा बिराजे दाई मोर
नीम छंईहा मा बिराजे दाई मोर
अंतरा 2
अलहन अउ अनहोनी घलो हा तोर रूप महतारी ओ
जीवरा धधके तोर आगी अस कइसे जुडाही तन सारी ओ
दूध दही अउ घीव घलो हा जीवरा जुड़ाथे महामायी ओ
तेल हरदी अउ सुग्घर सिंगार ले संवराथे नर नारी ओ
सादा लुगरा मा मोहाये दाई
जय हो जय मोर शीतला दाई
सादा लुगरा मा मोहाये दाई
जय हो जय मोर शीतला दाई
रहिबे सदा सहाई ओ मोर दाई ओ
नीम छंईहा मा बिराजे दाई मोर
नीम छंईहा मा बिराजे दाई मोर
अंतरा 3
पाबे कहा तै जोडा जुड़ ल हेवडा कहा जुड़ाही ओ
सरी नेंग ला लानेव मै हा चंदा सुरूज गवाही ओ
साज सिंगार कसे महामायी शिव भोला भवराही ओ
शिव के बाये अंग मा बईठ के जोड़ा शीतल फल पाही ओ
जोड़ी तुहर मन भाये दाई
जय हो जय मोर शीतला दाई
जोड़ी तुहर मन भाये दाई
जय हो जय मोर शीतला दाई
रहिबे सदा सहाई ओ मोर दाई ओ
नीम छंईहा मा बिराजे दाई मोर
नीम छंईहा मा बिराजे दाई मोर
अंतरा 4
शिव संग माया रचा के दाई महतारी पद पाये ओ
काया नगर मा माया बसा के बावन गढ़ सिरजाये ओ
बावन गढ़ के रूप हे एके जेहर शीतला कहाये ओ
सुग्घर बिहाव के नेंग हरे जुडवास ये जग म कहाये ओ
नीम के मड़वा सुहाये दाई
जय हो जय मोर शीतला दाई
नीम के मड़वा सुहाये दाई
जय हो जय मोर शीतला दाई
रहिबे सदा सहाई ओ मोर दाई ओ
नीम छंईहा मा बिराजे दाई मोर
नीम छंईहा मा बिराजे दाई मोर
अंतरा 5
जग हा मया दुलार पाये बर खडे हे तोर दुआरी ओ
कतको आथे कतको जाथे तै माया महतारी ओ
सबके आशा तै हा पुराये वरदानी महरानी ओ
छत्तीसगढ़ के बूढ़ी मायी जग के करे निगरानी ओ
कांतिकार्तिक चरण मनाई
जय हो जय मोर शीतला दाई
मौनी लाला तोर सिर नाई
जय हो जय मोर शीतला दाई
रहिबे सदा सहाई ओ मोर दाई ओ
नीम छंईहा मा बिराजे दाई मोर
नीम छंईहा मा बिराजे दाई मोर
हे कुलवंतीन बूढ़ी माई
जय हो जय मोर शितला दाई
हे कुलवंतीन बूढ़ी माई
जय हो जय मोर शितला दाई
रहिबे सदा सहाई ओ, मोर दाई ओ
नीम छंईहा मा बिराजे दाई मोर
नीम छंईहा मा बिराजे दाई मोर
✍ लेखक: ओपी देवांगन
🎤 प्रस्तुतकर्ता: -
