नव कलसा मा बिराज

झुमर के झुमर के सुमर सुमर के

झुमर के झुमर के सुमर सुमर के

गरबा नाचबो आज

हो अंबे मैया नव कलसा मा बिराज

जगतारणी मैया नव कलसा मा बिराज

जगजननी मैया नव कलसा मा बिराज

कुंआर महिना पाख अंजोरी दिन एकम हे आज

नव ग्रह गौरी देवा गणेशा नव कलसा मा साज

नव दुर्गा मा पहली दुर्गा शैलपुत्री बिराज

दुजे दुर्गा ब्रम्हचारणी आ के बचाओ लाज

तीजे दुर्गा चन्द्रघंटा जेखर गर मा बाजे घंटा

तीजे दुर्गा चन्द्रघंटा जेखर गर मा बाजे घंटा

सुख शांती के काज

कल्याणी मैया नव कलसा मा बिराज

सिंह वाहिनी मैया नव कलसा मा बिराज

चौथे दुर्गा मा कुष्मांडा करो कलसा मा वास

पांचवा दुर्गा स्कंद माता पुरा करौ मोर आस

छटवा दुर्गा हे कात्यायणी गोप देवी रचो रास

सातवा दुर्गा कालरात्री असुरन के करे नास

आठवा दुर्गा हे महागौरी पतालपुरी मा माढ़े पौरी

आठवा दुर्गा हे महागौरी पतालपुरी मा माढ़े पौरी

जस झपटे बैरी ला बाज

जीवरानी मैया नव कलसा मा बिराज

महारानी मैया नव कलसा मा बिराज

नौवा दुर्गा सिद्धीदात्री सिद्ध करौ मोर काज

रास लीला गरबा माचे नव रंग साजे साज

सकल देवता देखन आये गरबा नाचा आज

नवराती के पावन बोला गरबा खेले समाज

परमानंद कठोलिया बखाने हरि के माया हरि हर जाने

परमानंद कठोलिया बखाने हरि के माया हरि हर जाने

कांन्ति के रख लौ लाज

बैतारणी मैया  नव कलसा मा बिराज

दुख हरणी मैया नव कलसा मा बिराज

झुमर के झुमर के सुमर सुमर के

झुमर के झुमर के सुमर सुमर के

गरबा नाचबो आज

हो अंबे मैया नव कलसा मा बिराज

जगतारणी मैया नव कलसा मा बिराज

जगजननी मैया नव कलसा मा बिराज