नव दुर्गा अवतार हो नव दिन राती मा
नव दुर्गा नव दुर्गा अवतार हो नव दिन राती मा
नव दुर्गा नव दुर्गा अवतार हो नव दिन राती मा
नव दुर्गा नव शक्ति समाये
नव दुर्गा नव शक्ति समाये
ज्योत जंवारा बाती मा
नव कलसा नव दिन बा सजाये माता जग ला रचाये
पूजा पाठ विधि नेम धेम ले भगतन सरधा लमाये
गांव गली हर सरग बरोबर निश दिन सेवा बजाये
आंगा माड़िया गोड़िन गढ़िया देवन पाठ दबाये
तोर भगत जस पचरा गाये
तोर भगत जस पचरा गाये
सुमिरै दिन अऊ राती मा
पावन पावन चईत महिना पावन कुंवार कहाये
हरियर धरनी करे अगुवानी माता चरण ला मढ़ाये
दसहो दिशा पर दस महाविद्या फूल दशमत मा जनाये
चार अचारी सुध बिसुध ले डेहरी सुध बनाये
कुंम्हरा बपरा के सुग्घर गढ़ना
कुंम्हरा बपरा के सुग्घर गढ़ना
मोहनी मुरतिया माटी मा
अष्ट भुजी माँ हे कल्याणी सगरो जगत ला चलाये
मोहनी मुरतिया मोहे सब ला देख असुरन भरमाये
तोर किरपा ले जीव जंतु सब नित कुम्हले फुरनाये
कांतिकार्तिक पांव पखारे साहिल शीश नवाये
लहरावत हे जोत जंवारा
लहरावत हे जोत जंवारा
सरधा दीयना बाती मा
नव दुर्गा नव शक्ति समाये
नव दुर्गा नव शक्ति समाये
ज्योत जंवारा बाती मा
✍ लेखक: ओपी देवांगन
🎤 प्रस्तुतकर्ता: KOK Creation
