जागत जागत सब दिन सुमिरौ
जागत जागत सब दिन सुमिरौ
जागत जागत सब दिन सुमिरौ
सोवत सुमिरौ सपना मा
दाई मोला दर्शन देदे आयेव तोरे अंगना मा
दाई मोला दर्शन देदे आयेव तोरे अंगना मा
गाड़ी घोड़ा नई साधन नई हे सड़क रेलवाही ओ
पय डगरी मोर गांव के रद्दा बड़ दुरिहा हे माई ओ
रेंगत रेंगत गोड छोला के लागे बड़ करलाई ओ
आठ दिन नवरात बितगे तब पहुचेव बमलाई ओ
काबर मोर परीक्षा लेवत हस
काबर मोर परीक्षा लेवत हस जानत हस मोर बंधना ला
दाई मोला दर्शन देदे आयेव तोरे अंगना मा
नई हे कोनो मोर सहारा कारक भरोषा करहु ओ
धीरज के मोर बांघ फुटत हे धारो धारा बोहैहौ ओ
जिनगी कुलुप अंधियार हवै मोर कब उजियार देखिहौ ओ
अब तो चिन्हारी कर ले दाई कतका दुख ला सहिहौ ओ
मोर करम मा काये लिखे हस
मोर करम मा काये लिखे हस जानत हस तै लिखना ला
दाई मोला दर्शन देदे आयेव तोरे अंगना मा
एक छिन मोला दरस देखा दे तर जाही मोर चोला ओ
जिनगी सुफल हो जाही मोरे आशिष देदे मोला ओ
महु आये हो मांगे बर ये देख खाली मोर झोला ओ
काला सुनावौ काला बतावव हे महामायी तोला ओ
कान्तिकार्तिक ये बिन्दु के
कान्तिकार्तिक ये बिन्दु के सुन ले दाई कहना ला
दाई मोला दर्शन देदे आयेव तोरे अंगना मा
जागत जागत सब दिन सुमिरौ
सोवत सुमिरौ सपना मा
दाई मोला दर्शन देदे आयेव तोरे अंगना मा
✍ लेखक: -
🎤 प्रस्तुतकर्ता: -
