बन्दव तोला दाई ओ सुमिरौ तोला माई ओ
बन्दव तोला दाई ओ सुमिरौ तोला माई ओ
चइत अउ कुआंर के मास मा
नव दिन के नवरात मा
नव दिन के नवरात मा
बन्दव तोला दाई ओ सुमिरौ माई दाई ओ
भोर के बेरा म बन्दव मै हा रतनपुर महामायी ला
दोना हाथ ला जोड़ के बन्दव डोंगरगढ़ बमलायी ला
दशमथ हरवा हे हाथ मा कुटुम कबीला हे साथ मा
कुटुंब कबीला हे साथ मा
कुटुंब कबीला हे साथ मा
बन्दव तोला दाई ओ सुमिरौ तोला माई ओ
बन्दव दण्डवत चरण मा जा के दन्तेसिरी महामायी ला
सम्बलपुर समलाई ला बन्दौ विध्यवासिनी दाई ला (2)
पूजा के थारी हे हाथ मा तोला जपौ दिन रात मा
तोला जपौ दिन रात मा
तोला जपौ दिन रात मा
बन्दव तोला दाई ओ सुमिरौ तोला माई ओ
कान्तिकार्तिक बन्दत हावै जम्मो जग के माई ला
का जानै ये अनाड़ी बिन्दु दाई तोर सेवकायी ला
काये लिखे हस हमर माथ मा नैना हे दरस के आस मां
नैना हे दरस के आस मां
नैना हे दरस के आस मां
बन्दव तोला दाई ओ सुमिरौ तोला माई ओ
चइत अउ कुआंर के मास मा
नव दिन के नवरात मा
नव दिन के नवरात मा
बन्दव तोला दाई ओ सुमिरौ माई दाई ओ
✍ लेखक: हर्ष कुमार बिन्दु
🎤 प्रस्तुतकर्ता: -
