झन भूलव मा बाप ला - Jhan Bhulav Ma Bap La Lyrics / सुनील सोनी

नव महिना ले कोख मा रखथे कतको जोखिम सहिथे जी 
नवा जनम देथे ता ओला दाई कोनो कहिथे जी 
बाप के पद विद्वान् बनाथे कैसनो अंगठा छाप ला 
सुख मा दुख मा कभू कहू तुम झन भूलव मा बाप ला 
झन भूलव मा बाप ला झन भूलव मा बाप ला 
झन भूलव मा बाप ला ......

सिर्जन करथे पालन करथे कम करथे संताप ला 
सुख मा दुख मा कभू कहू तुम झन भूलव मा बाप ला
झन भूलव मा बाप ला झन भूलव मा बाप ला 
झन भूलव मा बाप ला ......

कहना ला मा बाप के मानव पीरा हा सुख बन जाही 
मान जिहा होथे सियान के ओ घर हा जस बगराही 
मा के ममता दुनिया मा तुम एक्के घ बस पाहू जी 
बाप के दुख ला बाप बने के बाद कहू पतिआहू जी
ब्रम्हा घलो समझ नई पाइस ईकर क्रिया कलाप ला
सुख मा दुख मा कभू कहू तुम झन भूलव मा बाप ला
झन भूलव मा बाप ला झन भूलव मा बाप ला 
झन भूलव मा बाप ला ......

हरदी मेहंदी माहुर के रंग छूटे नई हे तोर अंग ले 
अभी ले रंग देखा देस तैहा बेटा ला रंग देस तोर रंग में 
जेन अंगना मा खेले कूदे अंगरी धर रेंगे सीखे 
दाई ददा ला तहु भुलागेस अंतस मा अंगरा फुके 
कहा मया मोर पातर पडगे देखव करम कलाप ला 
सुख मा दुख मा कभू कहू तुम झन भूलव मा बाप ला
झन भूलव मा बाप ला झन भूलव मा बाप ला 
झन भूलव मा बाप ला ......

पूत कपूत भले हो जाही महतारी के मया अपार
जैसे गंगा के निर्मल जल दाई ददा के मया दुलार 
सात जनम कमती हो जाही नई उतरे दूध के कर्जा
बाप तियागे अपन सुख ला कहा चुकाबे तै हर्जा 
तै हिरदे मा हाथ मडा के पूछ न अपन आप ला
सुख मा दुख मा कभू कहू तुम झन भूलव मा बाप ला
झन भूलव मा बाप ला झन भूलव मा बाप ला 
झन भूलव मा बाप ला ......

दाई ददा के हिरदे हा सागर मा पानी जतका हे
छाती चिर के देख ले बेटा तोर बर पीर कतका हे 
जेन फुल पान हा पेड़ भुलाही जेन पेड़ जर ला भूल जाही 
लिल्हर होही ओ बिरवा हा ना फर धरे न फुल पाहि
पेड़ कभू तो मारे नही जी बिजहा रखथे छाप ला 
सुख मा दुख मा कभू कहू तुम झन भूलव मा बाप ला
झन भूलव मा बाप ला झन भूलव मा बाप ला 
झन भूलव मा बाप ला ......

सिर्जन करथे पालन करथे कम करथे संताप ला 
सुख मा दुख मा कभू कहू तुम झन भूलव मा बाप ला
झन भूलव मा बाप ला झन भूलव मा बाप ला 
झन भूलव मा बाप ला ......