बाबा के चरण मे हो
गुरू के भजन में ना
हिरदय जुड़ा ले काया खोल के
देवता धामी गुण ला गाए
राजा रंक अविनाशी
तन ला तपाए जेहा साधू अउ संन्यासी
माया छोड़ के
बाबा के चरण मे हो
गुरू के भजन में ना
हिरदय जुड़ा ले काया खोल के
शंकर घलो बईठे बईठे जपीस सत्यनामा
पार्वती हा पूछे भोला मुक्ति होही कामा
( female - बता देवा न हो का नाम ला जपत हो तुमन
male - मै तो दुनिया में सबसे बड़े नाम सत्यनाम हे पारवती
तै ओमा झन भुला तै ओ नाम ला झन पूछ
female - काबर
male - ओ नाम ला तै सुनबे न ता तोला बीमारी हो जाही
female - मरन होगे वो , नहीं लेना ते महू देख लेथाव ,
नइ बताबे ता मै मइके जाथो तो भांग ला कोन दिही?)
शंकर घलो बईठे बईठे जपीस सत्यनामा
पार्वती हा पूछे भोला मुक्ति होही कामा
उही पुरस के अमर कहानी सुनाईस पार्वती ला
घोलहा अंडा म जीव हा परगे जानीस उही गति ला
मीरा बाई के पीए जहर होगे अमृत पानी 2
भक्त प्रहलाद के तो सुने हौं कहानी
देखौ खोल के
बाबा के चरण मे हो
गुरू के भजन में ना
हिरदय जुड़ा ले काया खोल के
सत ल जपीस सुग्घर राजा हरिश्चन्द्र राहै दानी
सत के कारण काय करै गा डोम घर भरिस पानी
राज पाठ अउ धर दौलत ला देईस वो हा दान
छल करिस दुख देईस पापी विश्वामित्र भगवान
सत के कारण मोरजध्वज हा बेटा ल आरी म चिरिस
पथरा के छाती ओमा रानी राजा तिरिस
माया छोड़ के
बाबा के चरण मे हो
गुरू के भजन में ना
हिरदय जुड़ा ले काया खोल के
सत ला जपीस घासी बाबा तन ला तपाईस
माता सफरा बुधारू अउ बछिया ला जियाईस
वो गुरू के महिमा महान हावै दाई
चलौ जूर मिल के ओकर चरणो म जाई
सतयुग त्रेता द्वापर कलयुग सबो सत ला गाईन 2
जईसन जईसन भक्ति करिन वईसने शक्ति पाईन
सबो ओढ़ के
बाबा के चरण मे हो
गुरू के भजन में ना
हिरदय जुड़ा ले काया खोल के
✍ लेखक: सामें शस्त्री देवी
🎤 प्रस्तुतकर्ता: KK CASSETTE
अगर आप अपने चैनल, कला मंच, रामायण मंडली, धुमाल, बाजा, प्रोडक्ट, सर्विस या किसी भी प्रकार के विज्ञापन को बड़ी ऑडियंस तक पहुँचाना चाहते हैं, तो आप हमारी वेबसाइट पर आसानी से विज्ञापन दे सकते हैं। बेहतर पहुँच, सस्ता रेट और 100% ऑर्गेनिक यूज़र्स!
क्या आप एक सिंगर या लेखक हैं या लिरिक्स लिखने का शौक रखते हैं? अपनी लिरिक्स शेयर करें और हजारों लोगों तक पहुँचें। अपनी रचनात्मकता को एक नया मंच दें और अपने लेखन से लाखों लोगों को प्रेरित करें।
Search CG Song Lyrics