ये चुनरी तोर रंग जाही ओ
8 बार देखा गया
ये चुनरी तोर रंग जाही ओ
ये चुनरी तोर रंग जाही ना
होरी कइसे मचे हे
ऐ गोरी झन तै देखे ला जाबे ओ
खेलत हे होरी तहु रचे हे
नई खेले होरी वहु रचे हे ओ
सादा कोन तोला बचाही ओ
सादा कोन तोला बचाही ना
होरी कइसे मचे हे
ऐ गोरी झन तै देखे ला जाबे ओ
चलत हे पिचका चराराराररा
गोपिन बोले अरारारररारा ओ 2
रंगे रंग मा तोला रंगाही ओ
रंगे रंग मा तोला रंगाही ना
होरी कइसे मचे हे
ऐ गोरी झन तै देखे ला जाबे ओ
कामा रचत हे ये कोन जाने
जाहिर ऐला सिरतोन जाने ओ
गोरी तोला कारी बनाही ओ
गोरी तोला कारी बनाही ना
होरी कइसे मचे हे
ऐ गोरी झन तै देखे ला जाबे ओ
ऐ चुनरी तोर रंग जाही ओ
ऐ चुनरी तोर रंग जाही ना
होरी कइसे मचे हे
ऐ गोरी झन तै देखे ला जाबे ओ
✍ लेखक: दुकालू यादव
🎤 प्रस्तुतकर्ता: -
