यहु पार यमुना वो दाई मोर वहु पार यमुना हो-गौतम टंडन

मुखड़ा

यहु पार यमुना वो दाई मोर,

वहु पार यमुना हो...

बीच में टिकुलिया एक गांवे हो माया मोर,

बीच में टिकुलिया एक गांवे हो मां।

अंतरा

1/उही एक गांवे में मैया, कोन-कोन रैईथे हो...

कोने करन व्यवहारे हो माया मोर॥ 2 ॥

कोने करन व्यवहारे...

2/ उही एक गांवे में मैया, मालिन अउ मलिया हो...

उही करन व्यवहारे हो माया मोर॥ 2 ॥

उही करण व्यवहारे...

3/ मलिया बिचारा भैया, टेड़ा-वो टेड़त हे हो...

मालिन हा डोहरी पलाये हो माया मोर॥ 2 ॥

मालिन हा डोहरी...

4/ केई ओर बोये हो मलिया, केकती अउ केंवरा हो...

केई ओर मोंगरा अनारे हो माया मोर॥ 2 ॥

केई ओर मोंगरा...

5/ पांच ओर बोये हो मलिया, केकती अउ केंवरा हो...

सात ओर मोंगरा अनारे हो माया मोर॥ 2 ॥

सात ओर मोंगरा..

6/ केई ओर बोये मलिया, माता के जंवारा हो...

होवथे जय जयकार हो माया मोर॥ 2 ॥

होवथे जय जयकार...

7/ दस ओर बोये हो मलिया, माता के जंवारा हो...

होवथे जय जयकार हो माया मोर॥ 2 ॥

होवथे जय जयकार...

8/ जागन लागे हो मलिया, केकती अउ केंवरा हो...

जागन लागथे अनारे हो माया मोर॥ 2 ॥

जागन लागथे अनारे...

9/ जागन लागे मलिया, माता के जंवारा हो...

होवथे जय जयकार हो माया मोर॥ 2 ॥

होवथे जय जयकार...

--

होवथे जय जयकार हो माया मोर,

होवथे जय जयकार हो माया मोर।