तोर आरती उतारव हो जगतारण जग में -ममता देशमुख

मुखड़ा :

तोर आरती उतारव हो, जगतारण जग में,

हो अंबे मैया।

झुमरत हावे लाले लंगुरवा ॥2॥

नाचथे आरती लेवैया वो...

अहो अहो नारायणी।

तोर आरती उतारव हो, जगतारण जग में,

हो अंबे मैया॥

अंतरा 1 :

धरम के दियना, करम के बाती,

सत के तेल बनायेव माता,

सत के तेल बनायेव॥

अंतरा 2 :

पांच रतन चोला के थारी,

तोरेच बर सजायेव वो मैया,

तोरेच बर सजायेव॥

आशिष पाके जम्मो तरगे ॥2॥

तरगे भारत भुईंया वो...

अहो अहो नारायणी,

तोर आरती उतारव हो, जगतारण जग में,

हो अंबे मैया॥

अंतरा 3 :

जय जननी जग जोत जंवारा,

तोर किरपाली अंबा हो मैया,

तोर किरपाली अंबा॥

अंतरा 4 :

सहायक रहिथे सदा लंगुरवा,

जगतारण जगदंबा हो मैया,

जगतारण जगदंबा॥

दंडा शरण सबला जगदंबा ॥2॥

परथों तोरेच पैंया वो...

अहो अहो नारायणी,

तोर आरती उतारव हो, जगतारण जग में,

हो अंबे मैया॥

अंतरा 5 :

पुजे पुजेरी देवी देवता,

मैं पूजा नई जानों हो मैया,

मैं पूजा नई जानों॥

अंतरा 6 :

करम करैया छत्तीसगढ़िया,

बासी के भोग लगायेव हो मैया,

बासी के भोग लगायेव॥

सुमर-सुमर के सुमिरत हावौं ॥2॥

लईका हंव तोर दुवरिया वो...

अहो अहो नारायणी,

तोर आरती उतारव हो, जगतारण जग में,

हो अंबे मैया॥

समापन :

तोर आरती उतारव हो, जगतारण जग में,

हो अंबे मैया॥

--