तोर मोर झगरा सबर दिन के ओ
तोर मोर झगरा सबर दिन के ओ
ये परोसिन ये परोसिन
आना रंग ले रंगाले अउ मन ला मिला ले ओ
जिनगी जिये बर हे चार दिन
ये तोर मोर झगरा सबर दिन के ओ
ये परोसिन ये परोसिन
आना रंग ले रंगाले अउ मन ला मिलाले ओ
जिनगी जिये बर हे चार दिन
सुन ओ सुन मोर परोसिन हांसी ठिठोली कर ले थोकिन
मुच मुचाले मटमटहिन मन मोर लागे नही तोर बिन
आना हास ले हंसाले अउ मया ला बढ़ा ले ओ
जिनगी जिये बर हे चार दिन
एक तिर घर दुआर अंगना पिरित के बांध ले ओ बंधना
तोर मोर होथे मंगनी मंगना जुर मिल दुनो ला हे रहना
आना बईठ ले बईठाले अउ चिट कुन गोठिया ले ओ
जिनगी जिये बर हे चार दिन
मै कुंआरा तै कुंआरी तोर मोर पटे नही तारी
फागुन तिहार झन दे गारी तोर बर भरेव पिचकारी
आना नाच ले नचा ले अउ मोर संग मा गा ले ओ
जिनगी जिये बर हे चार दिन
तोर मोर झगरा सबर दिन के ओ ये परोसिन ये परोसिन
आना रंग ले रंगाले अउ मन ला मिलाले ओ
जिनगी जिये बर हे चार दिन
✍ लेखक: दुकालू यादव
🎤 प्रस्तुतकर्ता: AVM STUDIO
