तोर चरण म करमा माता दिन रात नवावौ माथा
कुल देवी कुल देवता
कुल के आये रखवार
अन धन जन बढ़ती करे
नईया लगाये पार
नईया लगाये पार
तोर चरण म करमा माता
दिन रात नवावौ माथा
तोर जय होवै वो
भक्तिन दाई करमा मईया
जय होवै तोर
दानी राम सहा के घर म तोर हाईस अवतारे
चईत एकादसी म आये कुल म करे उजियारे
तोर लीला के सुखदाई महिमा गुणी जन गाई
अज्ञान हरईया
भक्तिन दाई करमा मईया जय होवै तोर
उंच नीच के भेद मिटा के भक्ति के राह देखाए
जगन्नाथ स्वामी ल मईया तैं हा खिचड़ी खवाए
करमा माता तैं कहाए सेवा भक्ति मन भाए
मया बरसईया
भक्तिन दाई करमा मईया जय होवै तोर
साहू कुल के तैं कुल देवी सुख सम्पति देवईया
दुनो लोक म आनंद पाथे तोर भक्ति म रमईया
तैं दुखियन के हितकारी जन जन के महतारी
भाव पार करईया
भक्तिन दाई करमा मईया जय होवै तोर
तोर चरण म करमा माता
दिन रात नवावै माथा
तोर जय हावै वो
भक्तिन दाई कर्मा मईया जय होवै तोर
✍ लेखक: -
🎤 प्रस्तुतकर्ता: -
