तोर बगिया के ओ मोला बना ले दाई माली
हे माता शेरावाली तोर बगिया के ओ
हे माता शेरावाली हे लाटागढ़ वाली
हे माता मेहरावाली हे माता जोता वाली
तोर बगिया के ओ मोला बना ले दाई माली
हे माता शेरावाली तोर बगिया के ओ
तन ला बइला बना के फंदाहू ओ
मन ला नांगर बना के चलाहूं ओ
मेहनत कर के पसिना ओगराहूं ओ
ओरी ओरी मै फूलवा लगाहूं ओ
रोज बिहिनिया ले ओ मै हा चघाहू फूल के डाली
हे माता दीनदयाली तोर बगिया के ओ
तोर बगिया के ओ मोला बना ले दाई माली
हे माता शेरावाली तोर बगिया के ओ
तोर बगिया हे दाई नव कोसन के
ओमा फूलवा लगाहूं तोर मन के
महर महर ममहाही अइसन के
मन हर लिही दाई सब झन के
तोर फूलवरिया के ओ
करत रइहौ मैहा रखवाली
हे माता किरपाली तोर बगिया के ओ
तोर बगिया के ओ मोला बना ले दाई माली
हे माता शेरावाली तोर बगिया के ओ
सब ला रखे हस तइसे मोला रख ले
रद्दा जोहत हौ दाई मै हा कब ले
कही डारे हौ दाई मै हा सब ले
मोर मान ला माता तै हा रख ले
ये कोसरिया के हो वचन ला झन फेरबे खाली
हे दुर्गा चंडी काली ये कोसरिया के हो
तोर बगिया के ओ मोला बना ले दाई माली
हे माता शेरावाली तोर बगिया के ओ
तोर बगिया के ओ मोला बना ले दाई माली
तोर बगिया के ओ हे माता शेरावाली तोर बगिया के ओ
हे माता शेरावाली तोर बगिया के ओ
✍ लेखक: दुकालू यादव
🎤 प्रस्तुतकर्ता: SUNDRANI
अगर आप अपने चैनल, कला मंच, रामायण मंडली, धुमाल, बाजा, प्रोडक्ट, सर्विस या किसी भी प्रकार के विज्ञापन को बड़ी ऑडियंस तक पहुँचाना चाहते हैं, तो आप हमारी वेबसाइट पर आसानी से विज्ञापन दे सकते हैं। बेहतर पहुँच, सस्ता रेट और 100% ऑर्गेनिक यूज़र्स!
क्या आप एक सिंगर या लेखक हैं या लिरिक्स लिखने का शौक रखते हैं? अपनी लिरिक्स शेयर करें और हजारों लोगों तक पहुँचें। अपनी रचनात्मकता को एक नया मंच दें और अपने लेखन से लाखों लोगों को प्रेरित करें।
Search CG Song Lyrics