तोर अंगना वो दाई तोर अंगना-महेन्द्र निषाद

--

जसगीत -तोर अंगना वो दाई

गायक -महेन्द्र निषाद

गीतकार -पेखनलाल साहू

म्यूजिक लेबल -रंग छत्तीसगढ़

....

तोर अंगना वो दाई, तोर अंगना

तोर भुवना वो दाई, तोर भुवना

रिगबिग दिया वो बरे बाती,

हो महामाई तोर अंगना॥

...

अंतरा १

काहे के दियना दाई, काहे के बाती

काहे के जोत जलै दिन राती

घोर-सिगबिग दिखे घर-घर अंगना॥२

रिगबिग दिया वो बरे बाती,

हो महामाई तोर अंगना॥

....

अंतरा २

सोने के दियना दाई, कपूर के बाती

घींव के जोत बरै दिन राती

घोर-जगर बगर करै घर अंगना॥२

रिगबिग दिया वो बरे बाती,

हो महामाई तोर अंगना॥

....

अंतरा ३

कौन जलावै दाई, दियना अउ बाती

कौन ह जागे मैया दिन अउ राती

घोर-महर महर करै घरो-घर ना॥२

रिगबिग दिया वो बरे बाती,

हो महामाई तोर अंगना॥

....

अंतरा ४

राम जलावै दाई, दियना अउ बाती

लछिमन जागे मैया दिन अउ राती

घोर-भगत करत हावै तोर वंदना॥२

रिगबिग दिया वो बरे बाती,

हो महामाई तोर अंगना॥

--