तोला झूलना झूलावव दाई

तोला  झूलना झूलावव दाई (मैया) तोला झूलना झूलावव ओ 2

ये हिरदय के कठवा काया मा झूलना झूलावव ओ 4

पांचो रतन के बने हे पलना

तिन गुन डोरी बंधाये ओ तिन गुन डोरी बंधाये

गुन डोरी बंधाये ओ दाई  गुन डोरी बंधाये

दसो इन्द्री के दसे हे दसना

श्वासा लोरी सुनाये ओ श्वासा लोरी सुनाये

श्वासा लोरी सुनाये ओ मैया श्वासा लोरी सुनाये

मन भर निन्द्री ला भांजव दाई, मन भर निन्द्री ला भांजव ओ 2

ये हिरदय के कठवा काया मा झूलना झूलावव ओ 2

#

अरथ धरम के चारो खुरा मा

करम के घुंघरू गुथाये ओ, करम के घुंघरू गुथाये

करम के घुंघरू गुथाये ओ मैया करम के घुंघरू गुथाये --

सत बुद्धी के झालर लगे

मुड़सरिया मे आ के लगाये ओ, मुड़सरिया मया के लगाये

मुड़सरिया मया के लगाये ओ, दाई मुड़सरिया मया के लगाये--

तोर चरण दबावव दाई तोर चरण दबावव ओ 2

ये हिरदय के कठवा काया मा झूलना झूलावव ओ

#

दसो अंगुरीया जोर के माता

करतहौ अरजी बिनती ओ करत हौ अरजी बिनती

करत हौ अरजी बिनती ओ मैया करतहौ अरजी बिनती --

प्रेम कोसरिया परे चरण मा

क्षमा करो मोर गलती ओ ,क्षमा करो मोर गलती ओ

क्षमा करो मोर गलती ओ हो मैया, क्षमा करो मोर गलती ओ --

तोर सेवा बजावव दाई तोर सेवा बजावव ओ 2

ये हिरदय के कठवा काया मा झूलना झूलावव ओ