तोला दुर्गा कहव की माँ काली
तोला दुर्गा कहव की माँ काली
चारो धाम म तोरे हे पुजारी
||ओ माता रानी ||
का मैं चढ़ावौ तोला दर्शन दे माता मोला
का मैं चढ़ावौ तोला दर्शन दे वो
चन्द्रपुर म चन्द्रसेनी कहाए तैं
रायगढ़ मा बूढ़ी माई वो
हो चन्द्रपुर म चन्द्रसेनी कहाए तैं
रायगढ़ मा बूढ़ी माई वो
घोघरा नरवा मा बईठे हस काली बन के
हरदी के गौटिन दाई वो
सारंगढ़ म तै समलाई
डोलेसरा के तैं बंजारी
||ओ माँ भवानी||
का मैं चढ़ावौ तोला दर्शन दे माता मोला
का मैं चढ़ावौ तोला दर्शन दे वो
तोर लईका दाई रोवत हव तोर बर
तोर बिना मैं उदास हव
हो तोर लईका दाई रोवत हव तोर बर
तोर बिना मैं उदास हव
बिनती ल सुन ले माता सुन ले गोहार वो
राख ले अचरा के छांव तोर
तोर बिना ये मोर जिनगानी
जईसे सावन होथे बिन पानी
||ओ माता रानी ||
का मैं चढ़ावौ तोला दर्श दे माता मोला
का मैं चढ़ावौ तोला दर्शन दे वो
देखत हौ चारो ओर डाहर नई दिखे तोर
कहा लुकागे महामाई तैं ||2||
आंसू बरसगे दाई चोला तरसगे वो
कईसे पिर सुनावौ मैं
मोर नैना के प्यास बुझा दे
तोरे दर्शन बिना नई बाचौ
|| बचाले दाई ||
कइसे बुलावौ तोला दर्शन दे माता मोला
कइसे बुलावौ तोला दर्शन दे वो
तोला दुर्गा कहव की माँ काली
चारो धाम म तोरे हे पुजारी
||ओ माता रानी ||
का मैं चढ़ावौ तोला दर्शन दे माता मोला
का मैं चढ़ावौ तोला दर्शन दे वो
✍ लेखक: -
🎤 प्रस्तुतकर्ता: -
