सुमिरन सुमिरन माता तोरे जस गांवथो

मुखड़ा

सुमिरन सुमिरन माता तोरे जस गांवथो,

सुमिरन गांवथो, तुम्हार मोर माया,

सुमिरन गांवथों तुम्हार हो मां।

--

अंतरा 1 :

सिर में बिराजो माता, अब देवी शारदा वो,

जिभिया में गुरू अऊ गणेशे हो मां। (2)

हो मैया जिभिया में गुरू अऊ गणेशे हो मां। (2)

सुमिरन सुमिरन माता...

--

अंतरा 2 :

खोली देबे खोली देबे माता, बजुरा केवड़िया,

सेवुक सेवा में चले आये हो मां। (2)

हो मैया सेवुक सेवा में चले आये हो मां। (2)

सुमिरन सुमिरन माता...

--

अंतरा 3 :

कैसे के खोलों सेवुक बजुरा केवड़िया,

कौन बैरी अऊ कौन हित हो मां। (2)

हो मैया कौन बैरी अऊ कौन हित हो मां। (2)

सुमिरन सुमिरन माता...

--

अंतरा 4 :

बैरी अऊ दुश्मन ला माता, खप्पर में तुम धरिहौ,

सेवुक बर रहिहौ सहाय हो मां। (2)

हो मैया सेवुक बर रहिहौ सहाय हो मां। (2)

सुमिरन सुमिरन माता...

--

अंतरा 5 :

दसो अंगुलियां के माता ला, अर्जी करत हन,

दंडा वो चरण पैया लागों हो मां। (2)

हो मैया दंडा वो चरण पैया लागों हो मां। (2)

--

समापन :

सुमिरन सुमिरन माता तोरे जस गांवथो,

सुमिरन गांवथो, तुम्हार मोर माया,

सुमिरन गांवथों तुम्हार हो मां।

--