शारदा माता सरस्वती भवानी ओ दुर्गा-रत्ना विश्वकर्मा

🎤 मुखड़ा

शारदा माता सरस्वती भवानी ओ दुर्गा,

तुही ला बंदथों कर जोरे हो माय,

तुही ला बंदथों कर जोरे हो माय।

--

🎶 अंतरा

ये गायन वाला ला गालक देबे माया मोर,

गावत हे तोरे दरबारे हो मां। ×2

ये विघ्न हरैया मोरे गौरी गणपति ला वो,

वंदव चरण कर जोरे हो मां। ×2

ये मुड़ ऊपर गुड़री, गुड़री ऊपर सिड़ीली,

सिड़ीली मा बरत हे जगजोत हो मां। ×2

ये खोजत खोजत मगन भईगे मोर माता,

सुध-बुध गेय बिसराये हो मां। ×2

ये खेलत खेलत मगन भईगे मोर माता,

सुध-बुध गेय बिसराये हो मां। ×2

ये मांथ के मोती ला भुवन मा छोड़े मोर दुर्गा,

वहु ला खोजे मा नई तो पाये हो मां। ×2

ये नाके के नथनी ला भुवन मा छोड़े मोर माता,

वहु ला खोजे मा नई तो पाये हो मां। ×2

ये गला के हारे ला भुवन मा छोड़े मोर दुर्गा,

वहु ला खोजे मा नई तो पाये हो मां। ×2

ये कमर के करधन ला भुवन मा छोड़े मोर दुर्गा,

वहु ला खोजे मा नई तो पाये हो मां। ×2

ये बांहा के बहुटा ला भुवन मा छोड़े मोर दुर्गा,

वहु ला खोजे मा नई तो पाये हो मां। ×2

ये पांव के पैरी ला भुवन मा छोड़े मोर दुर्गा,

वहु ला खोजे मा नई तो पाये हो मां। ×2

--

🎤 समापन

ये मुड़ ऊपर गुड़री, गुड़री ऊपर सिड़ीली,

सिड़ीली मां बरत हे जगजोत हो माय। ×2

हो मैया! सिड़ीली मां बरत हे जगजोत हो माय। ×2