मैया सेवुक खोजन चले जावय हो मां -पेखनलाल साहू

मुखड़ा

मैया सेवुक खोजन चले जावय हो मां 2

अंतरा 1

एक सेवुक पायेव मै तो अहिरा बालकवा,

बन बन गैया ला चरावय हो मां 2

हो मैया बन बन गैया ला चरावय हो मां। 2

अंतरा 2.

गैया चरावय मुख मुरली बजावय,

माया जी ला सबद सुनावय हो मां 2

हो मैया माया जी ला सबद सुनावय हो मां 2

अंतरा 3

वहू सेवुक मोर मन नहीं आवय,

सेवुक खोजन चले जावय हो मां 2

हो मैया सेवुक खोजन चले जावय हो मां 2

अंतरा 4.

दुसर सेवुक पायेव मैं तो कुम्हरा बालकवा,

माटी वो कोड़न चले जावय हो मां।2

हो मैया माटी वो कोड़न चले जावय हो मां 2

अंतरा 5.

पहली कुदारी हन मारे वो बालकवा,

निकलथे कलशा कलोरी हो मां 2

हो मैया निकलथे कलशा कलोरी हो मां 2

अंतरा 6

दुसर कुदारी हन मारे वो बालकवा,

निकलथे झीनी झीनी बांस हो मां 2

हो मैया निकलथे झीनी झीनी बांस हो मां 2

अंतरा 7.

तीसर कुदारी हन मारे वो बालकवा,

निकलथे पान सुपारी हो मां 2

हो मैया निकलथे पान सुपारी हो मां 2

अंतरा 8.

चौथा कुदारी हन मारे वो बालकवा,

निकलथे वासुकी नाग हो मां 2

हो मैया निकलथे वासुकी नाग हो मां 2

अंतरा 9.

पांचवा कुदारी हन मारे वो बालकवा,

निकलथे ध्वजा अउ लिमुवा हो मां 2

हो मैया निकलथे ध्वजा अउ लिमुवा हो मां 2

अंतरा 10.

छटवा कुदारी हन मारे वो बालकवा,

निकलथे आदि भवानी हो मां 2

हो मैया निकलथे आदि भवानी हो मां 2