राजा जगत के सात झन बेटिया एक बंझुली -पेखनलाल साहू

जसगीत का नाम -राजा जगत के सात

झन बेटिया...

......

मुखड़ा

राजा जगत के सात झन बेटिया, एक

बंझुली वो छय नार हो मां ॥2॥

मैया एक बंझुली वो छय नार हो मां ॥2॥

.....

अंतरा 1️⃣

घर कथे बंझुली, बहिर कथे बंझुली,

बंझुली के मन हे उदास हो माय ॥2॥

मैया बंझुली के मन हे उदास हो माय ॥2॥

.....

अंतरा 2️⃣

जेला बिहाये माया राजा रायसिंग हा,

नई हे पुतुर सन भेट हो माय ॥2॥

मैया नई हे पुतुर सन भेट हो माय ॥2॥

.....

अंतरा 3️⃣

सास मारे ठोसरा, ननंद मारे टेपरा,

घर के पुरुष नई तो भाय हो माय ॥2॥

मैया घर के पुरुष नई तो भाय हो माय ॥2॥

......

अंतरा 4️⃣

मन मन गुने मैया, दिल में विचार के,

जावथे माया के दरबार हो माय ॥2॥

मैया जावथे माया के दरबार हो माय ॥2॥

.....

अंतरा 5️⃣

जेला जब देखे हो माता केवला नारायणी,

कौन परे हे तोला काम हो माय ॥2॥

मैया कौन परे हे तोला काम हो माय ॥2॥

......

अंतरा 6️⃣

तोर हाथ जोरव दुर्गा, तोर पांव परंव वो,

बजरा पड़े हे मोला काम हो माय ॥2॥

मैया बजरा पड़े हे मोला काम हो माय ॥2॥

.....

अंतरा 7️⃣

घर कथे बंझुली, बहिर कथे बंझुली,

बंझुली कहिथे संसार हो माय ॥2॥

मैया बंझुली कहिथे संसार हो माय ॥2॥

.....

अंतरा 8️⃣

अतना ला सुने मैया केवला नारायणी,

सुन लेबे वचन हमार हो माय ॥2॥

मैया सुन लेबे वचन हमार हो माय ॥2॥

.....

अंतरा 9️⃣

तोर कोरा में तोला देवथों मैं लईका वो,

नाम रही धांधू भगत सार हो माय ॥2॥

मैया नाम रही धांधू भगत सार हो माय ॥2॥

......

अंतरा 🔟

पांच भगत मिल तोर जस गांवथों,

जय जय बोलथों तुम्हार हो माय ॥2।।

मैया जय जय बोलथों तुम्हार हो माय ॥2॥

......

अंतरा 1️⃣1️⃣

दस अंगुरिया के मैया अरजी करत हंव,

रहहुं चरण लिपटाये हो माय ॥2॥

मैया रहहुं चरण लिपटाये हो मां ॥2॥

.....