नवरंग चुनरी चढ़ाये ओ माता नवरंग चुनरी चढ़ाये-लीला बाई साहू

मुखड़ा:

नवरंग चुनरी चढ़ाये ओ माता,

नवरंग चुनरी चढ़ाये।

उड़ान:

बम्लेश्वरी बगलामुखी माई…

बम्लेश्वरी बगलामुखी माई, सेवक तोला

सजाये।

नवरंग चुनरी चढ़ाये ओ माता,

नवरंग चुनरी चढ़ाये।

अंतरा 1

एकम के दिन लाली चुनरी, लाल ध्वजा

फहराये.

दूजे में हरियर पोलखा साड़ी, हरियर फीता

गथाये।

उड़ान:

तीजे दिन मा नीला रंग के...

तीजे दिन मा नीला रंग के, चुनरी तोला

ओढ़ाये।

नवरंग चुनरी चढ़ाये ओ माता,

नवरंग चुनरी चढ़ाये।

अंतरा 2

चौथे के दिन मा बैंगनी साड़ी, बैंगन के रुमाल,

पंचमी बर पीला लहंगा, ओढ़नी पीला तुम्हार।

उड़ान:

छटवे दिन मा केसरिया के…

छटवे दिन मा केसरिया के, लाल ध्वजा

लहराये।

नवरंग चुनरी चढ़ाये हो माता,

नवरंग चुनरी चढ़ाये।

अंतरा:3

साते के दिन सफेद रंग के, आसन तोर

लगाये,

आठे के दिन रंग गुलाबी, तोरे चंवर डोलाये।

उड़ान:

नवमी के पहिरे करिया लुगरा…

नवमी के पहिरे करिया लुगरा, रूप दिखे

विकराल।

नवरंग चुनरी चढ़ाये ओ माता,

नवरंग चुनरी चढ़ाये।

उड़ान:

बम्लेश्वरी बगलामुखी माई…

बम्लेश्वरी बगलामुखी माई, सेवक तोला

सजाये।

नवरंग चुनरी चढ़ाये ओ माता,

नवरंग चुनरी चढ़ाये ।