नजरे नजर मा झूल झूलना दाई-भरत जाटव

मुखड़ा

नजरे नजर मा झूल झूलना दाई नजरे नजर

मा झूल।

ये निरखत रूप अगम जग मोहिनी,

मैं धन जातेव फूल,दाई नजरे नजर मा झूल।

नजरे नजर मा झूल झूलना दाई नजरे नजर

मा झूल।

.....

अंतरा 1️⃣

अब्बड़ सघेलनी हे, गरीब के बेटवा,

छिटका के कुरिया में, फुसका के ढेलवा,

ये बरत हे दाई मोर चूल, दाई नजरे नजर

मा झूल।

नजरे नजर मा झूल, दाई नजरे नजर

मा झूल।

.....

अंतरा 2️⃣

चंदन काठ में रेशम के सुतरी,

महंगी मा पांहु पांहु मन उतरी,

ये मोर कल्पना ला सुन, दाई नजरे नजर

मा झूल।

नजरे नजर मा झूल झूलना दाई, नजरे नजर

मा झूल।

.....

अंतरा 3️⃣

आशा बिस्वासा के दूठन खंभा,

कभु डोलाबे मति मत अंबा,

ये भूल के होये न भूल, दाई नजरे नजर

मा झूल।

नजरे नजर मा झूल झूलना दाई, नजरे नजर

मा झूल।

.....

अंतरा 4️⃣

मिलखी मारे बिना टक लगाये,

देखत मूरत बघधर्रा मां के,

ये दुनिया चरण के धूल, दाई नजरे नजर

मा झूल।

नजरे नजर मा झूल झूलना दाई, नजरे नजर

मा झूल।

नजरे नजर मा झूल झूलना दाई, नजरे

नजर मा झूल।

.....