नैना ले आंसू झर झर जाये माई

नैना ले आंसू झर झर जाये माई

नैना ले आंसू झर झर जाये

कइसे तोर करथे बिदाई कईसे होथे पहुंनाई

कइसे तोर करथे बिदाई कईसे होथे पहुंनाई

मोरो समझ नई तो आये माई

मोरो समझ नई तो आये

आवन अबोध बालक दाई तोला बईठारे हन

नई जानन पूजा पाठ ला तोला मनाये हन

काचा पाका जुड ताप ओ भोग ला लगाये हन

का जंतर का मंतर ओ सरधा फूल चघाये हन

हो सुरता मा मन अकुलाये माई

सुरता मा मन अकुलाये

तोर चरण सरग हे दाई तै झन जाबे महामायी

मया ममता म तै फसाये माई

मोरो समझ नई तो आये

कईथे ज्ञानी गुनिजन मन लईका देव अवतारी हन

घर गुंदिया के साध लागे तोला पधारे हन

आरूख मन हे निरबल ओ तारेच पुजारी हन

आतर सेवर भंजाहू कोरा के किलकारी

हो हिरदय ला कोन समझाये माई

रही रही के आथे रोवाई

लागत हे बड़ करलाई

पीरा अंतस करलाये माई

पीरा अंतस करलाये

होगे जाये के बेरा ओ जोरा सिंघियावत हन

पुरिस जईसन हमर ले भेट चढ़ावत हन

सगरी नहाबे आखरी दरसन ला पावत हन

होही कोनो भूल चुक ओ छमा याचना मांगत हन

हो साहिल रो रो के सोरियाऐ माई

साहिल रो रो के सोरियाऐ माई

जाबे कब आबे दाई तोर बिना का सुहाही

हो कोसरिया के दुख नई पतियाये माई

मोरो समझ नई तो आये

कइसे तोर करथे बिदाई कईसे होथे पहुंनाई

कइसे तोर करथे बिदाई कईसे होथे पहुंनाई

मोरो समझ नई तो आये माई

मोरो समझ नई तो आये