मुड़ मा बिराजे हावै महामाई ना
2 बार देखा गया
मुड़ मा बिराजे हावै महामाई ना, मोहनी बरन लागे (2)
मोहनी बरन लागे (2)
माथ मा हे महाकाली मोर दाई ना (2)
मोहनी बरन लागे
नैना मा नैना देवी हे सोहे
गाल ला गजबे गौरी हा मोहे ना
होठ मा हे अष्टभुजी अंम्बे माई ना
मोहनी बरन लागे
गर मा भवानी गंगा सती हे
भुजा म देवी भामावती हे ना
हाथ हिंगलाज के हावै कलाई ना
मोहनी बरन लागे
पेट मे पावन पारवती हे
जांगन जाहिर जोगमती हे ना
चरण मे चन्दरपुरहिन कहाई ना
मोहनी बरन लागे
मोहनी बरन लागे (2)
माथ मा हे महाकाली मोर दाई ना
मोहनी बरन लागे
✍ लेखक: दुकालू यादव
🎤 प्रस्तुतकर्ता: -
