मोर करेजा फट जाही जब होही तोर बिदाई

मोर करेजा फट जाही

जब होही तोर बिदाई

आँसू के सातो धार में हो

आँसू के सातो धार में

दाई मोर नहाही

कईसे तोर ज्योत उसालव

कईसे तोर जंवारा वो

कईसे तोर ज्योत उसालव

कईसे तोर जंवारा वो

जन जन के तैं जगजननी

जग के बोहे भारा वो

जग में तोर जगमग जगमग हो

जग में तोर जगमग जगमग

जोत जगमगाही

तोर बिरहा के आगी म दाई

मैं हा जर जाहूं वो

तोर बिरहा के आगी म दाई

मैं हा जर जाहूं वो

राखे रईबे दीया बना के

तोर अंगना म बर जाहूं वो

अंग अंग म तोर नाव के छापा वो

अंग अंग म तोर नाव के छापा

मेटे ना मेटाही

पहूना कस आये माता

करेव पहूनाई वो

पहूना कस आये माता

करेव पहूनाई वो

महतारी तोर बिदाई

भारी दुख दाई वो

सुरता में सुरर सुरर के हो

सुरता में सुरर सुरर के

कईसे दिन पहाही

सुसक सुसक के स्वासा

सुसके आरा पारा वो

सुसक सुसक के स्वासा

सुसके आरा पारा वो

जिनगी मोर हे चरदिनिया

तिही मोर सहारा वो

नव दिन तोर सेवा बजा के हो

नव दिन तोर सेवा बजा के

तारा जस ला गाही

आँसू के सातो धार में हो

आँसू के सातो धार में

दाई मोर नहाही