मोर दाई नव दुर्गा माटी म तोला सिरजांव
मोर दाई नव दुर्गा माटी म तोला सिरजांव
चईत कुंवार महिना म दाई
चईत कुंवार महिना म दाई
नव दिन जोत जलांव
मोर दाई नव दुर्गा माटी म तोला सिरजांव
नव दुर्गा जगदंबा भवानी मया के अमरित धार हे
अष्टभुजा नव रूप मा दाई महिमा अपरंपार हे
तोर रूप के मान करे बर
तोर रूप के मान करे बर
माटी के दुर्गा बनांव
मोर दाई नव दुर्गा माटी म तोला सिरजांव
लाल बरन मा सोन धरी लुगरा लाल चुनरी पहिरावौ
अंग अंग ला तोर सजा के दाई जगमग जगमग जोत जलांवौ
पियर पियर लहराये जंवारा
पियर पियर लहराये जंवारा
देवता ल नेवता बलाएव
मोर दाई नव दुर्गा माटी म तोला सिरजांव
तोर मया ले दुनिया सिरजे सुन ले बिनती मईया
तोर अंचरा के छंईहा मा दाई माथ नवावौ पईया
जनम जनम ले तोर जस गा के
जनम जनम ले तोर जस गा के
जपत रइहौ तोर नांव
मोर दाई नव दुर्गा माटी म तोला सिरजांव
चईत कुंवार महिना मा दाई
चईत कुंवार महिना मा दाई
नव दिन जोत जलांव
मोर दाई नव दुर्गा माटी मा तोला सिरजांव
✍ लेखक: -
🎤 प्रस्तुतकर्ता: SUNDRANI
