मोर बेटा दुलरवा झन जाबे रे
मोर बेटा दुलरवा झन जाबे रे
तैं हा कउरू नगर
मोर बेटा दुलरवा झन जाबे रे
तैं हा कउरू नगर
तैं हा कउरू नगर, तैं हा कउरू नगर
तैं हा कउरू नगर, तैं हा कउरू नगर
तोला लग जाही बेटा उहां के नजर
तैं हा कउरू नगर
कउरू नगर के नारी बड़े अलबेली बेटा
बड़े अलबेली रे बड़े अलबेली
कहना ला मान मोर झन जा बरबेली बेटा
झन जा बरबेली रे झन जा बरबेली
जादू टोना के घोरे उहां जहर
तैं हा कउरू नगर
पानी म आगी बारे मुरदा ला जियाथे बेटा
मुरदा ला जियाथे रे मुरदा ला जियाथे
माटी के पुतरी ला मुड़ी म नचाथे बेटा
मुड़ी म नचाथे रे मुड़ी म नचाथे
झूपे टोनही परेतिन उहां घरो घर
तैं हा कउरू नगर
मोहनी सुरतिया मा रतिहा फंसाही बेटा
रतिहा फंसाही रे रतिहा फंसाही
मन के मिलौना चांद संग म सुताही बेटा
संग म सुताही रे संग म सुताही
फेर बईला बनाही तोला बड़े फजर
तैं हा कउरू नगर
तैं हा कउरू नगर, तैं हा कउरू नगर
तैं हा कउरू नगर, तैं हा कउरू नगर
तोला लग जाही बेटा उहां के नजर
तैं हा कउरू नगर
मोर बेटा दुलरवा झन जाबे रे
तैं हा कउरू नगर
✍ लेखक: दुकालू यादव
🎤 प्रस्तुतकर्ता: KK CASSETTE
