मया पिरित के डोरी मा दाई
मया पिरित के डोरी मा दाई मोला बांध ले 2
तोर चरण मा सेउक बना के राख ले 2
तोर सेवा बजावत रईहू मोर जिनगी पहावत रईहू 2
पंछी जोनी मा मोला
बना देबे कोयली ओ बना देबे कोयली
मैया मैया रटत रहू
मीठ मीठ बोली ओ मीठ मीठ बोली
जंतु जोनी मा देबे लंगुरे जनम ओ
तोर सेवा होही मोर बर परम धरम ओ
परम धरम ओ
दसो अंगुरिया के बिनती हे दाई मोरो मान ले 2
तोर चरण मा सेउक बना के राख ले 2
तोर सेवा बजावत रइहू मोर जिनगी पहावत रइहू 2
पशु जोनी मा मोला
देबे रूप बघवा के देबे रूप बघवा के
बैरी संग लडत रइहू
मै हा दाई अघुवा के मै हा दाई अघवा के
फूलवा मा मोला दाई मोंगरा फूल बनाबे ओ
बेनी मा तोर गाथ के गजरा लगाबे ओ
गजरा लगाबे ओ
भाव भक्ति के रंग मा दाई मोला सान ले 2
तोर चरण मा सेउक बना के राख ले 2
तोर सेवा बजावत रइहू मोर जिनगी पहावत रइहू 2
तोर परसादे पायेव
मानुष तन चोला ओ मानुष तन चोला
ये मोर जिनगानी दाई
अरपन हे तोला अरपन हे तोला
भगत के गोहार सुनथे सदा भगवान ओ
महू तोर भगत अव दाई मोला पहिचान ओ
मोला पहिचान ओ
गिरे चरण मा कोसरिया दाई मोला थाम ले 2
तोर चरण मा सेउक बना के राख ले 2
तोर सेवा बजावत रइहू तोर पौरी दबावत रइहू 4
✍ लेखक: दुकालू यादव, पूरण साहू, मनोहर घृतलहरे
🎤 प्रस्तुतकर्ता: SUNDRANI
