माटी के दुर्गा तोला बइठारेव
माटी के दुर्गा तोला बइठारेव
माटी के दुर्गा तोला बइठारेव
नव दिन अउ नवरतिहा
मैया तोर लागव पैया,
मैया तोर लागव पैया
अंतरा 1
माटी माटी म गढ़ के माता
कुम्हार हा तोला बनाये
नव रतन के गहना बना के
सोनार हा तोला सजाये
कोष्टा भैया लुगरा पहीरा के
कोष्टा भैया लुगरा पहीरा के
ओढ़हाये हे ओढ़निया
मैया तोरे लागव पैया
अंतरा 2
हे जगदम्बा मूरती ला तोर
बघवा उपर बइठा के ओ
जस ला गाये सेउक भगत मन
लाने तोला परघा के ओ
बाम्हन देवता करे आरती
संझा अउ बिहीनीया
मैया तोर लागव पैया
अंतरा 3
गौ माता के गोबर ले सुग्घर
अंगना दूआर लिपायेव ओ
गहूँ पिसान के चारो चारो खूट में
चुक चुक चौक पूरायेव ओ
चंदन काठ के बढ़हई भैया,
चंदन काठ के बढ़हई भैया,
मडहाये हे पिडहुलिया
मैया तोर लागव पैया
अंतरा 4
नर नारी मन पूजा करत हे,
माता तोर चरण के
नौ नौ कोष ले आस हे लेके,
दाई तोर दरशन के
नौ रूप के दरसन कर के,
नौ रूप के दरसन कर के,
धन्य होगे कोसरिया
मैया तोर लागव पैया
माटी के दुर्गा तोला बईठारेव
नौ दिन अउ नवरतिया
मैया तोर लागव पैया,
मैया तोर लागव पैया
✍ लेखक: दुकालू यादव
🎤 प्रस्तुतकर्ता: -
