मैं गावंव मैया दुलरु जनम ला हां -पारंपरिक

✍️ मुखड़ा:

मैं गावंव मैया दुलरु जनम ला हां,

मैं गावंव मैया दुलरु जनम ला हां।

ये दुलरु जनम ला हो...

मैं गावंव मैया दुलरु जनम ला हां,

मैं गावंव मैया दुलरु जनम ला हां।

--

✍️ अंतरा 1:

ये पहली जनम तोर गादर गाऊंहा, दूजे मा नाग कहाये 2

ये तीसरा जनम तोर पंचमुख बरहा, चौथे मा दुलरु कहाये 2

ये उमे हे दुलरवा हो...

सागर के पार उमे हे दुलरवा हो 2

--

✍️ अंतरा 2:

उड़ान -ये घोड़वा कुदावथे हो...

सागर के पार घोड़वा कुदावथे हो 2

हां सागर के पार घोड़वा कुदावथे हो 2

--

✍️ अंतरा 3:

ये काला तो सोहे कान में कुंडल, काला तो सोहे जलाजल 2

ये दुलरु ला सोहे कान में कुंडल, घोड़वा ला सोहे जलाजल 2

ये उमे हे दुलरवा हो...

सागर के पार उमे हे दुलरवा हो 2

--

✍️ अंतरा 4:

ये सागर पनिया कोने झन जैईहो, नयन काजल झन लाईहो 2

ये सागर पनिया मालिन जैईहो, नयन काजल भर लाईहो 2

ये उमे हे दुलरवा हो...

सागर के पार उमे हे दुलरवा हो 2

--

✍️ अंतरा 5:

ये ओलियन कौड़ी ला धरे मलनिया, गये कुम्हरा के पारा 2

ये कुम्हरा ला बोले कुम्हरा भैया, तैं भैया के मितनवा 2

ये मोरो बर घैला हो...

गड़ देबे रे कुम्हरा, मोरो बर घैला हो 2

--

✍️ अंतरा 6:

ये तीर तीर लिखदे ईजली बिजली, बीच बीच कटहनपारी 2

ये मोहड़ा मा लिखदे हो...

सारस के जोड़ी मोहड़ा मा लिखदे हो 2

--

✍️ अंतरा 7:

ये ओलियन कौड़ी ला धरे मलनिया, गये कोष्टा के पारा 2

ये कोष्टा ला बोले कोष्टा भैया, तै भैया के मितनवा 2

ये मोरो बर लुगरा हो...

तैं गड़ देबे रे कोष्टा, मोरो बर लुगरा हो 2

--

✍️ अंतरा 8:

ये तीर तीर लिखदे ईजली बिजली, बीच बीच कटहनपारी 2

ये अछरा में लिखदे हो...

सारस के जोड़ी अछरा मा लिखदे हो 2

--

✍️ अंतरा 9:

ये संगे तैयार होके मलनिया, चले सागर के पारे 2

ये उमे हे दुलरवा हो...

सागर के पार उमे हे दुलरवा हो 2

--

✍️ अंतरा 10:

ये घैल गुड़रिया ला घठोना मड़ाके, ले मालिन डुबकैया 2

ये ले मालिन डुबकैया भवानी मोर, ले मालिन डुबकैया 2

घैल गुड़रिया ला घठोना मड़ाके, ले मालिन डुबकैया।

ये अछरा ला पकड़े हो...

मोर देव दुलरवा अछरा ला पकड़े हो 2

हां मोर देव दुलरवा अछरा ला पकड़े हो 2

--