महा मोरे मावलिया हो मा
राजा सगर के तै हा कुल ला तारे
भागिरथी गंगा ला धरती मा उतारे
हर हर हर हर गंगे हर हर हरे
महादेव गंगा ला मुड़ मा धरे
महा मोरे मावलिया हो मा
महा मोरे मावलिया हो मा
पाप नाशनी माता गंगा माई
गौतम ऋषि ला घलो तारे दाई
निछमल जल तोरे हे सुख दायी
ममता मयी वो गंगा करे सहाई
महा मोरे मावलिया हो मा
महा मोरे मावलिया हो मा
गंगा के महिमा हावै अगम अपार
जुगती अउ मुकती बर लिए अवतार
बन के तिरबेनी सुग्घर बोहे धारे धार
ऐकरे परसादे चले जग संसार
महा मोरे मावलिया हो मा
महा मोरे मावलिया हो मा
पापी ला मारे दुर्गा गंगा ओ नहाये
ज्योत जंवारा सबो जल मा सरजाये
नर अउ नारी मन सगुरी नाहाये
डोंगा कोसरिया के पार लगाये
महा मोरे मावलिया हो मा
महा मोरे मावलिया हो मा
गंगा के दर्शन जे करीयाथे ना
सातो पुरखा हा ओकर तर जाथे ना (2)
महा मोरे मावलिया हो मा
महा मोरे मावलिया हो मा
✍ लेखक: दुकालू यादव
🎤 प्रस्तुतकर्ता: -
