सजे आनी बानी दाई के दुवरिया-पुनीत साहू

🌼 सजे आनी बानी – जसगीत 🌼

मुखड़ा

सजे आनी बानी दाई के दुवरिया,

सजे आनी बानी दाई के दुवरिया।

जारे जारे सुवा लेजा लिख-लिख तैंहा

पतिया,

सजे आनी बानी दाई के दुवरिया॥ 2

--

अंतरा 1

ब्रम्ह लोक जा ब्रम्ह कहिबे, विष्णु लोक जा

बैकुण्ठ,

शिव लोक जा शिव ला कहिबे, अउ जाबे

सातो कुंड।

जगमग जगमग जोत जलत हे, नव दिन

अउ नवरतिहा,

सजे आनी बानी दाई के दुवरिया॥ 2

--

अंतरा 2

कृष्ण लोक जा कृष्ण कहिबे, अउ कहिबे

गणेश ला,

पाताल पूरी जा वासु नाग, अउ कहिदेबे तैं

शेष ला।

तोरण पताखा सजे हे सुघ्घर, रददा मा हावे

तरिया,

सजे आनी बानी दाई के दुवरिया॥ 2

--

अंतरा 3

भूले बिसरे ला हाथ जोड़ के, कहिदेबे संदेश

ला,

यज्ञ रचे हव डीही डोंगर में, हरही मोर कलेश

ला।

देवी देवता के चरण परत जा, फूल जाही

तोर छतिया,

सजे आनी बानी दाई के दुवरिया॥ 2

--

अंतरा 4

धरम दुवारी लीम के छईया, शीतला माता के

डेरा,

परमानंद कठोलिया कहिथे, होंगे विसर्जन

बेरा।

नम्मी के दिन बरत-बरत निकलही, सब झन

बनहुँ बरतिया,

सजे आनी बानी दाई के दुवरिया॥ 2