लहरावत हे जंवारा हो मांँ
6 बार देखा गया
रिग बिग रिग बिग रिग बिग ज्योती बरत हे
लहरावत हे जंवारा हो मांँ
हो मैया लहरावत हे जवारा हो माँ
काकर घर ले मैया कलशा बिसायेव
काकर घर ले बाती हो माँ
कुम्हरा घर ले मैया कलशा बिसायेव
पटवा घर ले बाती हो माँ
मैया पटवा घर ले बाती हो माँ
काकर घर ले मैया तेल बिसायेव
काकर घर ले गेहूँ हो माँ
तेली के घर ले तेल बिसायेव
किसान घन ले गेहूँ हो माँ
हो मैया किसान घर ले गेहूँ हो माँ
कउन हा बोये मैया तोर फूलवरीया
कउन जलाये जग ज्योत हो माँ
राम हा बोये मैया तोर फूलवरीया
सीता जलाये जग ज्योत हो माँ
हो मैया सीता जलाये जग ज्योत हो माँ
✍ लेखक: दुकालू यादव
🎤 प्रस्तुतकर्ता: SUNDRANI
