क्वांर महिना मा दाई आ जाबे अंगना मोर-रामधनी धीवर

मुखड़ा:

क्वांर महिना मा दाई, आ जाबे अंगना मोर,

आंखी ले आंसू बरसे, तरसत हे नैना मोर।

ये तरसत हे नैना मोर, तरसत हे नैना मोर… (2)

क्वांर महिना मा दाई, आ जाबे अंगना मोर,

आंखी ले आंसू बरसे, तरसत हे नैना मोर।

--

अंतरा -1️⃣ भोग अर्पण

ये छप्पन मिठाई के दाई, भोग लगावों वो,

ये सुरहिन गैया के दाई, गोरस चड़ावो वो,

ये नवा धान के दाई, लाई चड़ावो वो,

ये कोरी-कोरी वो दाई, नारियल चड़ावो वो।

क्वांर महिना मा दाई, आ जाबे अंगना मोर,

आंखी ले आंसू बरसे, तरसत हे नैना मोर।

--

अंतरा -2️⃣ श्रृंगार सामग्री

ये सोनार पारा ले दाई, गहना मंगायेव वो,

ये तेली पारा ले दाई, तेल मंगायेव वो,

ये कोष्टा पारा ले दाई, चुनरी मंगायेव वो,

ये कुम्हरा पारा ले दाई, कलशा मंगायेव वो।

क्वांर महिना मा दाई, आ जाबे अंगना मोर,

आंखी ले आंसू बरसे, तरसत हे नैना मोर।

--

अंतरा -3️⃣ बाजा-गाजा और नृत्य

ये ढोलक हा बाजे वो दाई, मादर हा बाजे वो,

ये झांझ मंजीरा बाजे, बंशी हा बाजत हे वो,

ये शंख हा बाजत वो दाई, घंटा बाजत हे वो,

ये तोर अंगना मा दाई, बरुवा हा नाचत हे वो।

क्वांर महिना मा दाई, आ जाबे अंगना मोर,

आंखी ले आंसू बरसे, तरसत हे नैना मोर।

ये तरसत हे नैना मोर… तरसत हे नैना मोर… (2)

क्वांर महिना मा दाई, आ जाबे अंगना मोर,

आंखी ले आंसू बरसे, तरसत हे नैना मोर।

--