खोली दे मंदिर के केवड़िया हो ए पंडा बाबा

खोली दे मंदिर के केवड़िया हो केवड़िया हो,

ए पंडा बाबा मोरे ए पंडा बाबा

सेवक आए मां के दुवरिया हो दुवरिया हो

ए पंडा बाबा मोरे ए पंडा बाबा

दिन सोमवार माई बर शिरीफल लाए,

मंगल के माताजी ला मंदरस चढाए

मंदरस चढाए माता मंदरस चढाए

सोन के लाए मैं मकुटिया हो मकुटिया हो

ए पंडा बाबा मोरे ए पंडा बाबा

दिन बुधवार माई बर बादाम मै लाएव,

गुरुवार माताजी ला गन्ना मै चढाएव

गन्ना मै चढाएव मैया गन्ना मै चढाएव

लाली-लाली लाएव मैं चुनरिया हो चुनरिया हो

ए पंडा बाबा मोरे ए पंडा बाबा

दिन शुकवार माई बर सीताफल लाएव

शनिवार माताजी ला सिंघाड़ा चढाएव

सिंघाड़ा चढाएव मैया सिंघाड़ा चढाएव

पाव बर लानेव मैं पैजनिया हो पैजनिया हो

ए पंडा बाबा मोरे ए पंडा बाबा

दिन रविवार माई बर बलराम फल लाएव

सातों दिन माता तोला भोग लगाएव

भोग लगाएव मैया भोग लगाएव

परसादी पाए तोर कोसरिया हो कोसरिया हो

ए पंडा बाबा मोरे ए पंडा बाबा

खोली दे मंदिर के केवड़िया...