कउने तोर सगुन बिचारे देवी दुर्गा

कउने तोर सगुन बिचारे देवी दुर्गा

कउन मढ़ावै नवराते हो माँ

मैया कउन मढ़ावै नवराते हो माय

यहो ब्रम्हा तोरे सगुन बिचारे देवी दुर्गा

बिसनु मढा़वै नवराते हो माय

मैया बिसनु मढा़वै नवराते हो माय

यहो के वो कोषन के मैया तोर फूलवरिया

मैया के वो कोषन चाउं फेरे हो माय

यहो नवे कोषन के मैया तोर फूलवरिया

दसे वो कोषन चाउं फेरे हो माय

कउन बोये हो मैया तोर फूलवरिया

कउन जलाये जग ज्योत हो माय

मैया कउन जलाये जग ज्योत हो माय

यहो राम बोये हो मैया तोर फूलवरिया

सीता जलाये जग ज्योत हो माय

मैया सीता जलाये जग ज्योत हो माय