कार्तिक महिना धरम के हो माया मोर,

कार्तिक महिना धरम के हो माया मोर, तुलसी मा दियना जलाय हो मा

हो मैया तुलसी मा दियना जलाय हो मा

अग्घन महिना अघम के हो माया मोर, पुष में मारे तुषार हो मा

हो मैया पुष में मारे तुषार हो मा

माँघ महिना घन अमुआ मऊरत हे, फागुन उड़थे गुलाले हो माँ

हो मैया फागुन उड़थे गुलाले हो माँ

चैत महिना घन केशु फुलगे, बैसाख गूंज नेवारे हो माँ

हो मैया बैसाख गूंज नेवारे हो माँ

जेठ महिना लिख पतिया भेजत हो, आवत लगगे असाडे हो माँ

हो मैया आवत लगगे असाडे हो माँ

सावन महिना के रिमझिम बरसा, भादो में अहीर गंभीरे हो माँ

हो मैया भादो में अहीर गंभीरे हो माँ

कुवार महिना तोर नम्मी दसहरा,लंगुरे हा धजा फहराए हो माँ

हो मैया लंगुरे हा धजा फहराए हो माँ